[有沙入眼]是咁的，我嘅職業係幫想自殺嘅人寫遺書: 382.狂笑

雖然miki無傷人傾向，但係阿文嗰日之後就唔夠膽同佢有太深入接觸

當時嘅阿文都仲係學生，唔識應付都好正常

比著我見倒個啱啱先同我一齊住嘅人咁做，都實嚇到標屎

喺阿文嘅角度，係太驚唔敢接觸miki

但係miki睇翻，就覺得阿文係默默陪住佢





都唔知應該點形容，不過既然miki覺得結果上係阿文救左佢個心，咁應該都可以叫做美麗嘅誤會掛？

「然後有一日，miki留左字條話想翻屋企睇吓，而阿文發現屋企把生果刀唔見左。」

「所以⋯⋯佢父母嘅死其實⋯⋯」

「唔關佢事，佢翻到去嘅時候，爸爸同後母已經死左。」

阿志收到阿文通知，趕去miki屋企，大門無鎖，血腥味濃烈





入到屋，就見倒miki，一刀一刀咁插落自己老豆嘅下陰，插到血肉模糊

「嘻嘻嘻嘻嘻嘻⋯⋯哈哈哈哈哈哈⋯⋯」