[有沙入眼]是咁的，我嘅職業係幫想自殺嘅人寫遺書: 379.末日鐘嘅分針

阿志同我一齊去拎蟹腳，我嘅視線不自覺咁又移左去miki身上

條白痴妹掹大口，手指喺下唇點點吓，雙眼發光咁望緊啲甜品，口噏噏咁：「食邊樣好食邊樣好⋯⋯」

都係拎哂翻去

佢口型好似咁講，然後就每樣甜品都夾上碟

「死火，無哂位⋯⋯」





「我覺得miki幾中意你。」阿志嘅說話將我嘅注意力拉翻過黎

「同埋，你都中意miki。」

「What the FUCK？！」高級地方，粗口用英文講，高級啲嘛

「Fuck咩姐，你兩個都成年人啦，會點選擇係你兩個嘅自由，但係⋯⋯選擇之前，我諗你應該要知一啲野先。」

「如果係佢嘅過去的話，我已經知道。佢嘅體質，我都知。」





「咁佢個心，你又知唔知？」

蟹腳喺碟上碰撞，發出咔啦一聲

就好似末日鐘嘅分針，向前移一格嘅微響