[有沙入眼]是咁的，我嘅職業係幫想自殺嘅人寫遺書: 369.父女

然後，所有事物就好似慢鏡咁播放，我眼白白睇住阿文纖幼雪白嘅中指喺我手心滑走

微風將阿文黑色嘅髮絲推散，洗頭水嘅香氣撲入鼻腔，係百合花味

仍然向住我伸直緊嘅右手，就好似即將比書頁壓扁嘅百合花瓣

下墮

我盡最後嘅力量伸出手，由右至左一掃





差一個手位

「阿文！！！！」

一個巨大嘅黑影喺我身邊突然出現，好似一架高速大貨車忽然剎車咁，一條粗壯嘅棍狀物向牆外伸出，轉向下，直衝出去

啪！

清脆嘅皮肉撞擊聲





「爸爸！」

「捉實我呀女！！！！」