[有沙入眼]是咁的，我嘅職業係幫想自殺嘅人寫遺書: 366.我陪你

「阿文！！！！！！睇下你自己『仲有』啲咩野！！！！！！！！」阿志無咩力，跪左喺地下，雙膝撞落濕水嘅地表，但仍然向阿文大嗌

「你幫過嘅人，佢地講咩，你睇清楚！！！！！！！！！！！！！」其實好難睇清楚，但大致上都會見倒，全部都係多謝同感激

呢一刻，阿文心入面承受唔住嘅痛苦，並無灰飛煙滅，但係確確實實咁比感動掩蓋左

係，有零星幾個男人，加入騷擾阿文

但係其他人呢？





喺阿文做社工咁多年以黎入面輔導過嘅男仔、女仔、小朋友、小學生、中學生、大學生、阿叔、阿嬸、公公、婆婆、爸爸、媽媽、上班族、家庭主婦、癮君子、智障人士、更新人士、miki、金弦，仲有我

呢個世界有咁多人，一定有用惡意回報善意嘅賤人，但如果因為咁就睇唔倒身邊支持自己嘅善意，咁會係何等可惜嘅事？

「但係我⋯⋯比唔倒第一次你喇⋯⋯阿志⋯⋯」

「白痴！！！！！！我唔要！！！！！！無咪無囉！！！！！！！」

阿文嚇左嚇，退後左小半步，但係發現後面無得企，即刻停低





「但係我⋯⋯我⋯⋯我以後要點面對其他人？」

啱啱仲好有氣勢嘅阿志，面對呢個問題佢反而無大聲咁回答，只係好坦率咁講左句：

「唔知。」

雨，終於都停喇

阿志微笑





既冷靜，又強而有力，好似結婚嘅時候，新郎對新娘講嘅誓言

但係，我陪你