[有沙入眼]是咁的，我嘅職業係幫想自殺嘅人寫遺書: 364.集眾人之力

入面其實無咩特別內容，只係得

阿文，加油！

離遠睇雖然唔係太清楚，但係我見倒每個標點同大字嘅筆劃，有一點點一粒粒嘅空位

字同標點，都唔係一筆過寫出黎，而係由一啲更加細嘅筆劃組成

以畫黎比喻，就好似梵高嘅作品，畫中事物全部都係用一點一點黎填滿





如果再集中啲望，就會見倒每一點都有個人風格，而且有黑、紅、橙、黃、綠、青、藍、紫，好多隻唔同顏色

我睇完，個腦短路左一下，未理解倒係咩黎

「你個⋯⋯衰人⋯⋯」但阿文好似已經知道阿志做左咩野

「阿文，加油！」全部係由唔同嘅人用更加細嘅「阿文加油！」、「社工姐姐要努力！」、「姐姐我好掛住你」、「唔好唔開心啦」、「幾時再教我畫畫？」、「多謝你令我好翻呀！」、「你不只是社工，還是我最好的朋友」、「天使姐姐唔好輸比衰人呀！」、「唔係有你，我唔知自己而家會點」、「感激你令我再次感到愛」、「是你令爸爸媽媽再次關心我的！加油呀！」、「本当にありがとうございます」、「you are the best social worker I've ever met」、「Angel，thank you very much，the bottom of my heart said」、「阿文妹妹，因為有你，我先無做後悔嘅事」、「如果你係我孫女，你話幾好呢？」、「社工姐姐，今次到我地救你！」、「阿文，我愛你」

阿文兩隻手扶住圍牆：「阿志你個衰人⋯⋯」





原來阿志，親身去搵每一個比阿文幫過嘅人，請佢地寫低一句句鼓勵說話，去構成「阿文，加油！」嘅大字

走匀港九新界、澳門，甚至乎去左日本留學，移民左去外國嘅，全部都由阿志查倒聯絡方法之後，親身去請佢地寫