[有沙入眼]是咁的，我嘅職業係幫想自殺嘅人寫遺書: 355.無時間
「爸爸有時候，啲奇奇怪怪嘅第六感好準。」女人嘅直覺就聽得多，男人嘅第六感真係好少聽倒
「上一次，爸爸有第六感，已經係阿嫲心臟病發死嘅時候。」
爸爸心血來潮打左個電話過去，阿嫲有聽，又係話無事
不過總之仲係有啲怪感覺，最後佢決定放工去探下自己阿媽
「結果上到去，就見倒阿嫲訓喺地下，已經無呼吸。」當時阿文仲好細個，理解唔倒咩叫死，加上輕度自閉，參加葬禮嘅時候亦唔知點解咁多人喊
如果當日阿文老豆放低工作，或者阿嫲會有得救，但係正常人都唔會因為少少不詳預感，就放低手頭上嘅工作去求個安心
只係，有過上次嘅經驗，阿文老豆今次就決定翻黎睇阿文，想確保自己個女無事
「無時間喇⋯⋯」阿文加快抄寫嘅速度：「要趕喺爸爸翻黎之前⋯⋯」