[有沙入眼]是咁的，我嘅職業係幫想自殺嘅人寫遺書: 353.紅豆

「你諗住幾時自殺？」聽倒我問呢句，miki望住我，眼神好似望住路邊重傷嘅貓仔，眼白白睇住佢斷氣一樣

然後呼左口氣，望向阿文

嗰種不忍同無奈，滲左入我心裏面

阿文合埋眼，顎高頭對住天花板：「抄完，就去。」

同一時間，放喺飯枱一邊嘅電話響起，鈴聲係王菲首紅豆嘅純音樂，好似水晶喺度閃爍咁嘅音樂盒版本，一播就係副歌





miki靜靜咁搖頭，細細聲跟住哼

有時候，有時候，我會相信一切有盡頭

阿文望向電話，伸出手

相聚離開，都有時候，沒有什麼，會永垂不朽

拎起電話，阿文望住來電顯示嘅號碼，有啲猶豫應唔應該聽





可是我，有時候，寧願選擇留戀不放⋯⋯

「喂？」