[有沙入眼]是咁的，我嘅職業係幫想自殺嘅人寫遺書: 350.人間蒸發

不得不佩服，阿志係個將所有概念、情感同行為都分得好清楚嘅人

佢知道，如果問題未解決，陪伴係無用

只有問題係完全無辦法解決嘅時候，陪伴先係最後嘅辦法

阿志認為阿文嘅問題只要解決左，就可以阻止佢嘅自殺行為

唔知係咪真係會成功，但起碼要盡全力試一試





如果最後都唔得，就陪阿文死

三日前，只係短短同阿志傾左唔夠兩個鐘，我心入面已經對佢萌生左敬意

當然唔計叫雞同援交，不過有幾多個男人，出去滾都同自己女人講清楚？而且會喺知道自己嘅行為傷害倒人嘅時候，即刻決定以後唔犯同樣嘅錯誤？

「無你諗得咁誇張，始終我都有錯。」

知錯好簡單，知錯能改先至難





外面幾多男男女女，講完知錯又出去再犯同樣嘅錯誤？成日都唔比阿寶抖下

「講過唔做，我就唔會做。只係咁簡單姐。」

正如佢話唔會中出其他女人一樣，講左唔會，就真係唔做

阿志就係咁嘅男人

講過會黎，我就會黎





不過⋯⋯點解你偏偏要喺緊要關頭人間蒸發？