[有沙入眼]是咁的，我嘅職業係幫想自殺嘅人寫遺書: 348.天使墮落

「黎左喇？」阿文喺房行出黎，陽光比烏雲擋住，照唔倒入屋

同我屋企一樣嘅暗藍色，就好似將成間屋浸左入海咁

以前阿文招呼過我黎，嗰陣間屋，比太陽照到暖笠笠，夕陽餘暉喺打左蠟嘅木地板上烙印橘黃色嘅平行四邊形

同我嗰間長年都係得暗藍同慘白，好似停屍間咁嘅屋完全唔一樣

但係，喺房一步步行出黎嘅阿文，面色蒼白又無精神，雙眼又紅又腫，如同一具行屍走肉





下午1點37分

橘黃聖室內嘅天使

變成左暗藍海底下嘅魔女

幾條長長嘅髮絲喺額頭散落，靜靜掛喺阿文側面，視線穿過髮絲嘅間隙，無力咁柔柔同我嘅眼神對上

「我黎左喇。」





窗外嘅雨水，依舊無規律咁拍打玻璃，就好似外面有人想叫我地逃走咁，啪喇啪喇，啪嗒啪嗒