[有沙入眼]是咁的，我嘅職業係幫想自殺嘅人寫遺書: 345.一樣

我好記得變種特攻第一集，其中有段情節好深刻

嗰個歧視變種人嘅議員，比磁力王搞到變成變種人

佢啫唎狀嘅身體喺沙灘上，就比群眾用翻佢曾經對待變種人嘅目光睇住佢

白人，係咪要變成黑人，先知道咩叫歧視？

娘娘，係咪要成為兵仔，先知道愛人嘅痛苦？





我曾經以為阿文永遠唔會明白我，因為佢無可能成為我

可以飛嘅雀仔，又點會理解無得飛嘅蟲係咩心情？

但原來面對比人強姦破處，出街比人視姦，網上留言，同曾經幫過嘅人都參與加害嘅時候

阿文都會頂唔順，都會選擇自殺

我一直以為係太陽，係天使嘅阿文





原來都同我一樣，只係一個弱小嘅香港人

筆尖喺白紙上烙印一字一句

我望向窗外面，今日仍然係無太陽嘅陰霾天

天氣預報話呢三日都係多雲，間中有驟雨

希望交收嗰日唔好落雨