[有沙入眼]是咁的，我嘅職業係幫想自殺嘅人寫遺書: 340.憐憫

阿may投入太多感情喺一段無結果嘅愛情上面，佢只會愈黎愈痛苦

如果係咁，阿志唯有及早分開，長痛不如短痛

「既然你無擺感情落去，你都唔會受傷，點解唔繼續搵阿may？」

「自己無事，但係一路睇住人地流血，你忍心咩？」

原來係咁，阿志嘅離開，只係因為佢同情阿may





佢好清楚，傷害阿may嘅人係自己，繼續接觸係唔會有好結果，所以先斷絕來往

「唔怪得直到最後，阿may都無憎你。」阿may自殺，只係出於對自己個bb嘅愧疚

一首歌，比永遠得唔倒嘅男人

一封遺書，比永遠失去嘅骨肉

一直最愛嘅男人，到佢死嘅時候都仍然愛緊





唔怪得，睇住阿may跳落黎嘅時候，我莫名其妙咁對佢有一種憐憫