[有沙入眼]是咁的，我嘅職業係幫想自殺嘅人寫遺書: 327.懷疑嘅眼神

「你想我配合你？」

「無錯。」

「咁我需要知道你想做乜。」

「我想救阿文。」

「如果係咁，點解你消失三日？你唔係應該陪住阿文咩？」





「如果你肯幫我，我就講比你知，我點解會消失三日。」阿志已經係報社嘅高層，所以我諗佢係習慣左呢啲一換一嘅溝通模式，將同唔熟嘅人嘅對話轉化成交易

「人同人交流，唔係下下都係咁交易架下話？」

「所以你希望我講我嘅野比你知先？不過講信任關係，你由一開始就唔信我在先，唔係咩？」

見我皺眉，阿志就繼續講落去：「喺譚仔撞倒嗰日，你用咩眼神望住我，你最清楚。我唔係講你呷醋嗰個眼神。」