[有沙入眼]是咁的，我嘅職業係幫想自殺嘅人寫遺書: 325.搵比你睇

「社工姐姐要自殺？！」同日夜晚，我喺電話講比miki知阿文已經委託左我開始寫遺書

miki放工就即刻趕去阿文屋企，但係阿文話唔想見任何人，佢父母都無辦法

「點解喎⋯⋯點解唔見我喎⋯⋯」

「可能佢怕見完就唔捨得你。」

「咁更加要見啦！」





「佢唔肯見你，你有咩辦法？」

「唔⋯⋯⋯」

隔左一陣，電話對面嘅miki尖叫左一聲：「呀！我知喇！超人哥哥實有辦法！」

「慳啲啦，阿文都搵唔倒佢。」

「超人哥哥講過，只要我有咩事打比佢，佢就會黎救我。等我叫佢救社工姐姐！」





「呃細路嘅大話你都信？」

「唔係大話黎架！我而家就搵比你睇！哼！」