[有沙入眼]是咁的，我嘅職業係幫想自殺嘅人寫遺書: 321.點解做社工？

「我而家之所以正正常常，係因為我以前都曾經有過一個社工姐姐。」

阿文經過社工姐姐嘅輔導，先慢慢學識點樣同人溝通

「自閉症係個腦有問題，無可能會完全無事。但係我唔算嚴重，都學得好快。」

九歲嗰年，經過五年輔導，社工同屋企人互相配合嘅支援，阿文嘅社交能力總算正常翻

不過，有兩件事無辦法改變





一，阿文嘅強迫行為唔會消失

二，雖然透過學習同練習，終於識得睇同理解社交訊號，但係阿文係需要用比常人多幾倍嘅心力同精力先可以理解得倒

比如我要認知希仔因咩事唔開心，只需要用十分嘅觀察力的話

阿文要同我一樣認知相同嘅情況，就要用一百分嘅觀察力先睇得出問題喺邊度

坦誠嘅情況都要用一百分，咁希仔扮比人欺凌，已經超出左阿文嘅認知範圍





要睇穿偽裝，我用一百分就夠，換轉阿文，起碼要一千分先睇得穿

佢做社工做左差唔多六七年，期間只有一個女仔同希仔係輔導中途自殺之外，我無聽過其他失敗嘅個案，以一個有輕度自閉，本來連同人溝通都成問題嘅人黎講，絕對係一個對得住自己嘅成績

但係，可以想像得倒，每一次嘅輔導工作入面，阿文係做得幾辛苦

「點解⋯⋯你咁嘅體質，份份工唔做，偏要做社工？」