[有沙入眼]是咁的，我嘅職業係幫想自殺嘅人寫遺書: 314.落口供

「我地翻查過事主林文迪嘅電話，有曾經同你聯絡過，當日屋宇範圍嘅閉路電視都影倒你，請問你去嗰度做乜？」

「收錢。」

「點解收錢？係交易定要佢還債？」

「交易。」

「交易咩野呢？」





「遺書。」

個差人皺一皺眉，然後寫低「遺書」兩隻字

一路講，我就一路un腳，心諗幾時先走得

「你有無出手打過受害人？」

「有。」然後我就講翻成件事出黎





「件事就係咁。我錄左音，你可以聽下。」

聽到阿dick講老豆叫佢自首嗰度，個差人停左段錄音

「好嘅。唔該哂你。」