[有沙入眼]是咁的，我嘅職業係幫想自殺嘅人寫遺書: 311.重撃

視線清晰翻

係喇，我唔可以死

就算死，都唔係因為眼前呢條仆街而死！

放低兩隻手，趁住仲可以反抗，用盡全身最後嘅氣力，集中喺拳頭

揮出去！





「呀！」揸住我條頸嘅手軟落黎

集中，再揮多次！

對方要殺左我，咁我出招嘅時候就要狠！

而家唔係打擂台，無話邊度唔打得

肉丸受壓嘅觸感





「呀！！！」阿dick嘅叫聲高左八度，向一邊跌低

空氣抽入肺部，我全身彎曲到好似胚胎咁，不停咳，咳到胸口發痛，但係頭腦慢慢清醒過黎

「呀，呀！！！！」阿dick㩒住自己下體好似比人扔上岸嘅魚咁喺地下典黎典去

係要打就打到對方無還手之力

我企翻起身，起腳瞄住阿dick下陰黎踢





再一次，由我騎住佢，今次我用膝頭壓住佢條頸

攞翻喺枱上面嘅遺書過黎，點火

阿dick為左要吸氣而開大口，我就將著火嘅遺書一野塞入佢個口度

我企翻起身，阿dick即刻咳翻封遺書出黎，一手㩒口一手㩒下體尻嗌

我搖一搖嗰一萬蚊：「多謝哂，歡迎下次幫襯。」開門走人

你想寫幾多次遺書，我都幫你寫

寫一封，燒一封！