[有沙入眼]是咁的，我嘅職業係幫想自殺嘅人寫遺書: 283.辛苦你喇

同一番說話，我同阿文講過

「咩理由都好，你咁樣係助長緊其他人自殺。唔好咁做。」我一早已經決定左，我唔需要外人嘅理解、認同或者接納

我亦唔相信外人可以理解

miki摺翻好封遺書，放落禮物盒

「乖呀下，辛苦你喇，miki姐姐喺度架。」





佢摸一摸我個頭，夾塊黑炭埋我口

「一直以黎，辛苦你喇。」

嗰一刻，眼淚又停唔倒咁流落黎

我成日都唔記得，miki係大過我嘅事實

我咬左啖，抹眼淚：「好難食呀。」





個傻妹竟然甜笑

難食咪好囉

估唔到，了解我嗰個人，係你