[有沙入眼]是咁的，我嘅職業係幫想自殺嘅人寫遺書: 272.自殺

如果令人痛苦嘅原凶，唔係實物而係一個環境，就無可能殺一個環境令痛苦消失

我唔殺金弦，殘酷嘅生活同旁人嘅冷眼就唔會消失

殺一個人就可以幸福，咁殺唔殺？

殺

能夠殺嘅人，就只有自己





當我死左，就唔會再比現實生活折磨

我無權終結金弦嘅生命，我有權殺嘅人，得我自己

再繼續照顧金弦，我個心遲早會比憎恨呑噬，如果係咁，倒不如趁自己對佢仍然有愛嘅時候自行了斷

你要像人類般死亡，還是要活著眼見自己變成怪物？

我唔想變成怪物，為左令我忍唔住而親手殺死金弦嘅日子永遠唔會來臨，我唯一能夠做嘅





就係自殺

不過唔係而家，因為我要為自己想殺金弦嘅念頭補償，為我今日發佢脾氣補償

我唔想最後一日嘅片段係咁醜陋

聽日，我要好好，好好咁照顧金弦，作為我地兩個最後嘅回憶，

然後，聽晚金弦訓著嘅時候，我就可以死喇





我燒左靜思送比我嘅書仔，丟埋個禮物盒，就訓左