[有沙入眼]是咁的，我嘅職業係幫想自殺嘅人寫遺書: 241.交比miki二等兵
翻到去，miki就跟左我入屋，佢就即刻舉高兩隻手：「好野！突擊成功！」
「你噏乜呀？」
「社工姐姐話佢唔得閒，所以一個月一次嘅煎午餐肉行動就交比miki二等兵做丫嘛。」
「你咪煮，我又唔會食嘅。」我啱啱先食飽，就算唔飽，我都唔會食
「姐姐話佢搵倒新款午餐肉喎。你唔食係因為咩⋯唔係呢隻丫嘛？」
無錯，每次阿文煎完比我，我都話：「唔係呢隻。」
於是佢就開始買唔同款嘅午餐肉比我
「唔緊要，總有一日會搵啱！」阿文真係每個月都買一款新嘅比我，不得不佩服佢嘅毅力
「咁借個廚房我用啦！」miki笑笑口入左去
我懶得理，翻入房做paper
然後miki差啲炸撚爆左我個廚房