[有沙入眼]是咁的，我嘅職業係幫想自殺嘅人寫遺書: 189.扮比人欺凌

同一晚，阿文亦向我講同一句說話

「如果唔係你，希仔就唔會自殺！個問題明明已經解決左！佢無理由自殺！」

「個問題一直無解決過。」

阿文完全唔明白：「咩話？」

「我知，已經無同學蝦佢。應該話，由見我同miki嗰日開始，希仔已經無比人蝦。」





其實，當時嘅希仔，係扮比人欺凌

我同阿文喺茶餐廳嗰晚，當我話蝦希仔嘅人又唔見佢講嘅時候，阿文嘅表情有啲訝異

個表情係嗰種係本來就黎成功嘅計劃，出左小意外，但係個小意外都喺情理之中嘅表情

當時已經無人蝦希仔

但係難保仲有個別一兩件欺凌事件，所以阿文先會覺得再用多少少時間就可以根絕欺凌問題





而我嘅假設，係源於希仔面上嘅白粉

如果希仔放學會見阿文做輔導，阿文無理由見唔倒啲白粉，亦無理由唔幫佢抹

當時我只係懷疑，希仔面上嘅白粉，係佢喺離開學校前自己抹上自己塊面度

不過既然啲粉比miki擦走左，所以阿文黎到嘅時候見唔倒，我講呢樣野比阿文知都無咩用

要講得阿文明白，就講另一樣