[有沙入眼]是咁的，我嘅職業係幫想自殺嘅人寫遺書: 184.書包

一個星期嘅限期過左，幾乎每日都去同希仔玩嘅miki，企左喺kfc外面

「我怕望住佢抄遺書會心痛。」

於是，就得翻我同希仔

仍然係比人畫花嘅書包，再一次證明我嘅假設

我比左封遺書佢，叫佢睇一次有無問題

希仔隻眼掙到好大：「點解⋯⋯哥哥你會知架？」

「估倒。唔止，我仲知你⋯⋯⋯⋯」

當我講完之後，希仔就開始索鼻水，索一下，全身嘅肉就震一下

「得哥哥你一個知炸⋯⋯」佢一路抄，淚水就跌落信紙上面