[有沙入眼]是咁的，我嘅職業係幫想自殺嘅人寫遺書: 182.比現實改變

「我唔明喎。」

「唔需要明，佢只係心痛阿誠隻手比人打斷，而自己又咩都改變唔倒姐。」

妄想自己可以改變世界嘅人，最後通常都係比世界改變翻轉頭

實現倒自己夢想嘅人屬於少數，呢班人之中，發現達成左嘅夢想同自己嘅幻想相符合嘅，又更加少

個老師達成左夢想，做倒教師





夢想達成，但係幻想破滅

「校方覺得阿誠件事，唔可以鬧大。雖然已經報左警，但係始終無證據證明有學生同黑社會有關。」佢係因為想改變差嘅學校，先不停應徵做band3學校嘅老師

但係原來，佢咩都改變唔倒

「咪搞咁多野啦，安安份份等退休咪算。」佢雖然想搵其他老師幫手，但係校內嘅話事人都係常規教師，佢地要大事化小，單憑一人之力又做倒乜野？

而如果查倒真相，就即係話比全世界知，有學生入左黑社會





雖然大家都知呢間band3學校有咁嘅問題，但係有還有，比人篤爆還比人篤爆

「篤爆左就好影響下年收生。你再搞搞震，下年就唔洗指意有得續約。」

校方嘅利益，同區區一個學生嘅利益相比，大得多

所以，有學生比人打斷左隻手都可以唔理

「乜學校⋯⋯係咁嘅地方黎架咩？」





佢連自己嘅學生都救唔倒，仲講咩靠教育改變世界