[有沙入眼]是咁的，我嘅職業係幫想自殺嘅人寫遺書: 178.用左手抄

我伸手指，彈左miki額頭一下

「好痛⋯暴力男！」

投放過多嘅感情，最後受傷嘅只會係自己

我無講出口，我知，miki遲早會親身感受倒

呢個時候，阿誠亦黎到





miki自我介紹話係我助手⋯⋯我真係無氣理佢

阿誠比錢我，我亦比左封遺書佢

佢用左手逐隻字抄，但係抄得好慢，啲字仲東歪西倒

嗰種每一個熟悉嘅中文字，都無辦法再流利咁寫翻出黎嘅痛苦，令我皺起眉頭

如果佢隻右手無事，咁封遺書唔洗十五分鐘就可以抄完





而家用左手，抄左兩個半鐘

其實，佢隻右手無比人打斷的話，又點會需要遺書？