[有沙入眼]是咁的，我嘅職業係幫想自殺嘅人寫遺書: 175.太陽
我仲好記得阿文輔導我嘅時候，佢係一個好似天使咁嘅女人
人又靚，身材好，再加埋心地好，做社工
唔煙唔酒，中產家庭，父母和睦
如果幸福可以量化，阿文嘅分數肯定由細到大都未攞過平均分以下
只係，過於耀眼嘅太陽，令我呢種凡人無法直視
喺純白嘅阿文身邊，灰色嘅我，已經顯得好黑
佢係好熱心，好好人，好人到我唔好意思唔比佢輔導
但係，可能我內心深處知道，呢個人，永遠唔會真正了解我
就好似資優生唔知道搏命先合格嘅學生嘅痛苦一樣
要我界定的話，我認，我係討厭阿文