[有沙入眼]是咁的，我嘅職業係幫想自殺嘅人寫遺書: 170.一個禮拜

我同阿文喺我屋企附近嘅茶餐廳見面

「我求下你，唔好幫希仔寫封遺書。」阿文雙手合十，誇張嘅動作引黎麻甩伙記嘅目光

「我已經處理緊，比啲時間我！」

對於希仔比人蝦嘅事，校方已經處理緊，希仔班主任同阿文都分別幫緊佢

「處理左幾耐？」

「都有一個禮拜。」

我哼左聲：「你地做過乜？」

「已經同希仔做緊輔導，仲有同佢父母聯絡緊。」

我聽完，對希仔想自殺嘅原因，開始有個比較清晰嘅輪廓：「希仔就輔導，父母就聯絡，蝦希仔嗰啲人又唔見你講？」