[有沙入眼]是咁的，我嘅職業係幫想自殺嘅人寫遺書: 164.布甸

「希仔，我寫完遺書再聯絡你。今日就到此為止。」

我講完，希仔望下我，本來想點頭，但係又望下阿文，最後就無比反應

「咪住，你唔係下嘛？幫個咁細嘅小朋友寫遺書？」

阿文梗係唔會咁易比我走

「佢夠錢比就係我客人。」





「唔該你唔好寫，交翻比我地同校方處理得唔得？」

「唔得。」阿文聽完，正要發火

「嘻嘻嘻嘻！姐姐唔好呀！」希仔嘅笑聲，吸引左我地嘅注意

miki走去篤希仔個肚：「好得意呀，好似布甸咁。」希仔就怕痕狂笑，叫miki唔好搞佢

本身一肚氣嘅阿文見倒佢兩個笑得咁開心，表情都軟化左





「我遲啲再同你算帳。」阿文轉向希仔：「文姐姐送你翻屋企。」

希仔佢，企喺miki後面

「希仔，唔得咁架，過黎啦。」

希仔都係唔過

而我就諗倒個好方法駛走miki：「希仔呀，miki姐姐跟埋你翻屋企好無呀？」





「好呀！」