[有沙入眼]是咁的，我嘅職業係幫想自殺嘅人寫遺書: 138.同情

miki講唔出野

「佢之所以去時鐘酒店開房自殺，係因為夠鐘就有人收房，好快會比人發現。」

如果佢死左無人知，時間太耐，內臟會受捐，所以要盡快比人知佢死左

就黎收房嘅時候，豪仔就吊頸

「豪仔個腦⋯⋯係咪有問題？」





「或者啦。」

「你唔覺咩？邊有人會用自己條命救情敵架？」

「人地唔夠你慘又唔比人自殺，人地自殺救人你又話人有問題。」

「唓！你問十個十個都會話豪仔痴線！」

「佢係。」





「封遺書仲要扮去外地，聽日新聞一報就知啦 ！」

「阿嵐完全唔睇新聞，所以唔會知。」

「咁⋯⋯豪仔屋企人同朋友都會同阿嵐講。」

「佢無乜朋友，最熟得阿嵐一個。佢屋企人就連佢識阿嵐都唔知。」如果豪仔無屋企人，就真係毒到有日消失左都無人知

「咁⋯⋯仲有仲有！佢死左點繼續送心心比阿嵐？」





「佢一早摺定左九十九個，交比我每年寄一個過去。」

「咁⋯⋯咁⋯⋯咁⋯⋯」

「你，係唔係同情緊豪仔？」

miki嘟起個嘴：「咁⋯⋯咁人地無諗過佢會因為咁自殺加嘛！」

我嘆左口氣，摸一摸佢個頭

「開車啦。」