[有沙入眼]是咁的，我嘅職業係幫想自殺嘅人寫遺書: 123.見證婚禮

「我靚唔靚？」

黎旺角搵我嘅miki著住一條白色連身裙，喺我面前轉左個圈

好明顯，琴日場智障包剪揼係miki贏左

「哈哈！我係包剪揼港隊黎架！」點解條友可以講得出口

「我無話帶你去。」其實我一開始都無諗過帶人去





「吓？⋯⋯哦⋯⋯好啦⋯⋯」miki垂頭喪氣咁上翻車

我拉住左佢

「做咩？」

「去喇去喇，唔好咁嘅樣。」

「真嘅？好野！」結果我就坐佢架車出發





我明明話過唔再坐⋯⋯miki係咪落左我降頭？

唔係唔係，我想慳翻車錢姐，肯定係