[有沙入眼]是咁的，我嘅職業係幫想自殺嘅人寫遺書: 115.午餐肉

佢叫阿文，廿八歲，父母健全，好似再世德蘭修女咁嘅女人

佢每個月會聯絡我做翻輔導工作，但係我都唔係點理佢，結果就變成佢自己踩上黎我屋企

好多時我會扮屋企無人，不過今日比miki搶住開左門

「我黎探病架，因為阿金唔舒服。姐姐點解過黎嘅？」

「我黎同阿金做例行輔導架。你識阿金架咩？」





「識呀，我搵佢做訪問丫嘛！」

「原來係咁。」

阿文入左黎，佢拎住個環保袋，唔洗問都知佢又買午餐肉上黎比我

「你係唔係仲幫緊人寫遺書？」阿文擅自入左我廚房，將啲午餐肉罐頭放入廚櫃，同埋將過左期嘅罐頭丟走

「係。」





「你仲要咁樣懲罰自己到幾時？」

「我都唔知。」

阿文嘆左口氣，開左一罐午餐肉，準備煎比我食

「都係嗰句，我唔會食。」

「都係嗰句，我會繼續煮。」





每次我比阿文入屋嘅公式對話，我地都慣哂

「我食我食！」唔同嘅係，今次多左miki插嘴