[有沙入眼]是咁的，我嘅職業係幫想自殺嘅人寫遺書: 107.超人
以miki嘅姿色，中學雖然已經好多人追，但係佢阿爸一句：「唔準拍拖，你係我嘅。」已經摧毀哂妙齡少女對愛情嘅憧憬
「直到我16歲嗰年，有個哥哥黎左我地屋企。」
嗰陣有報紙要做個關於香港富豪嘅訪問，就派左個記者去miki屋企
雖然佢已經16歲，但係由9歲開始比人折磨到無哂自由意志嘅miki，連向外人求救都唔敢
「你信唔信，呢個世界有超人？」
miki好似個幻想緊童話故事嘅細路女，不過佢嘅童話唔係要有白馬王子，而係要有超人
「點解係超人？」
「因為淨係超人，先救倒我。」
帶人離開地獄嘅能力，或者真係只有超人先有
因為呢個記者，令miki立志要成為一個記者