[有沙入眼]是咁的，我嘅職業係幫想自殺嘅人寫遺書: 95.肥蛆

我沿住佢隻手望過去，見倒一間好多人排隊嘅舖頭，就答：「哦，肥蛆囉。」

「肥蛆？食蟲架？」

我有啲驚訝：「肥姐喎！你未食過咩？」

「係咪食蟲架姐？」

「唔係呀，食小食架，墨魚雞腎同生腸好出名架喎。」





miki哦左一聲，好似見倒想食嘅糖又唔敢叫呀媽買嘅細路咁嘅樣

「走啦。」

「吓？⋯⋯哦⋯⋯」佢有啲失望咁跟住我

過左馬路，我停低，miki問：「又話走？」

「係呀，走過黎排隊囉。」反正我都想食





佢隻眼即刻發哂金光

我，忍唔住微微咁笑左