[有沙入眼]是咁的，我嘅職業係幫想自殺嘅人寫遺書: 79.遺書與遺囑
喺開始講跟住落黎嘅故事之前，容我發下牢騷
我企喺養和醫院某病房入面，聽緊個有錢嘅阿伯交低身後事
「咁8000萬就比我二女⋯⋯」
其實我好想打斷佢，但係我比左車錢過黎灣仔，唔通入到黎就轉頭出翻去？
情況就咁，我明明係做雞，個客一入黎就叫我屌佢，咁我無撚，點屌？
好啦，個好似黃秋生嘅阿伯終於交代完點分遺產比五個仔女
「跟住呢？」
「跟咩住？講完喇。」
我反左白眼：「阿伯，我係寫遺書，唔係黎幫你立遺囑架。」
「咪一撚樣，照寫啦。」
「你淨係講點分遺產，唔該你諗下除左錢仲有乜想講先黎搵我。」我轉身就走
「仆你個街，有錢都唔賺？你洗唔洗咁串呀！」
阿伯鬧人仲幾好中氣，應該有排都未死得
我打開病房門，就有個女仔仆左喺我面前