[有沙入眼]是咁的，我嘅職業係幫想自殺嘅人寫遺書: 77.相信

過左無耐，阿心就收倒電話，叫佢去醫院

我無陪佢去

「如果你仲覺得需要我，先再搵我。」

我等左三日，阿心都無打電話比我

直到第四日，我wtsapp收倒一張相





張相，係阿心同兩個女仔自拍

佢地三個笑得好開心

我認得，係嗰日去中大上堂嗰陣，坐我同阿心前一排嘅嗰兩個女仔

係阿心想識，但無去識嘅女仔

雖然相識就可能受傷，但係我諗，而家嘅阿心已經可以去相信一啲一直唔敢相信嘅野





我終於明，點解冬姐同我講：「係喇，啱啱咪叫你唔好當全世界嘅人都會呃你嘅？呢句你都記得寫落去喎。」