[有沙入眼]是咁的，我嘅職業係幫想自殺嘅人寫遺書: 52.左與右

到左星期六，我就上左阿心間房

由於阿心間房無鎖門，我就自己開門入

原來中大宿舍同浸大宿舍嘅結構都幾似

我入到去，左手邊同右手邊，好似兩個世界咁

左邊床上面係hallow kitty嘅枕頭，被同床單





個書櫃就貼左一張張即影即有，枱上好多女仔會買嘅小飾物，同一部粉紅色套嘅mac book

而右邊，乜都無

唔可以話無嘅，不過唔似一個妙齡少女嘅佈置咯，我仲以為右邊係女監倉

白色床單、白色枕頭、白色被，一個公仔都無

書櫃就只有一本本厚過磚頭嘅英文參考書





書枱上面中間放電腦，其他方位就全部係打開左嘅參考書

阿心，坐喺右邊嘅書枱，對住電腦打緊字，久唔久又揭下書咁

「喂，我入左黎喇。」

佢轉過黎，無戴眼鏡

我再次強調，真係好似阿雪，唔係林雪，係孫慧雪！