[有沙入眼]是咁的，我嘅職業係幫想自殺嘅人寫遺書: 36.咁做人好辛苦架
當我同冬姐溝通完，我就話
聽日開始一連三日要幫另一個客人，但係每日都會抽時間幫佢諗，同埋落筆
佢聽完，好似當我係加佢人工嘅老闆咁，係咁握手鞠躬，不停笑住多謝我
「好彩聽聞有人幫倒手，唔係就陰公咯。阿姐就無咩閒錢架喇，不過都請你飲個茶啦！」
我明明都未幫佢寫，佢已經當我幫完，要報答我咁話
佢仲要唔識字，我寫乜佢都唔會知，但係完全無諗過我會呃佢
「我知你乖囝黎嘅，點會呃阿姐？你仲要未收錢，寫完先比錢你點呃我？」
或者大家唔知，因為冬姐其實比祈福黨呃左大半棺材本
一個比人呃完，都仲可以咁易相信陌生人嘅阿嬸
你可以話佢ON尻，但係我就幾中意佢
「囝呀，如果當全世界人都係呃你，咁做人好辛苦架。」