[有沙入眼]是咁的，我嘅職業係幫想自殺嘅人寫遺書: 33.冬姐

「我未試過呢啲新潮野，但係無法子，阿姐我唔識字。哈哈！」

眼前嘅阿嬸，年齡大約都四十幾五十

一頭短髮之中夾雜左絲絲白髮

可能因為操勞得多，面上多皺紋，個樣有啲憔悴，特別係眼袋比較大

佢叫冬姐，住公屋

因為老公早死，所以一日要打幾份兼職維生，有啲似獨居老人

話說一個就春，一個就冬，希望我下兩個客仔唔好係夏雨同鄭少秋

如果係小說，我實笑柒個作者尻改角色名