[有沙入眼]是咁的，我嘅職業係幫想自殺嘅人寫遺書: 31.親身感受

佢見我問得咁單刀直入，一時間唔係好知要點應

er左一輪，都未答得出點解要死

「我唔會對你要死嘅原因有咩批評，你可以放心講。」

阿心繼續搓揉自己隻手，望實地下問我：「我唔識表達，不如⋯⋯你親身感受下，好無？」

「親身感受咩野？」

「你咪話星期五唔洗上堂嘅？咁不如你星期五六日，黎體驗下我嘅生活，可能你就明⋯⋯」