[有沙入眼]是咁的，我嘅職業係幫想自殺嘅人寫遺書: 17.翻唔倒轉頭
「你中意我，但係唔會同我一齊，係咪？」
「就算同你一齊，又有咩意義？」
「可能你做我男朋友，我就唔自殺呢。」
我笑左下，話：「就算有我，都阻唔倒你要死。」我指向佢手中一直揸住嘅信封：「你自己最清楚。」
阿may咬住下唇，淚水慢慢喺眼中徘徊
「如果早啲見倒你，或者，我真係唔會自殺⋯⋯」
「呢個世界無如果。」
「你講得啱，我翻唔倒轉頭喇。」阿may雖然未死，但係佢，一早已經死左
或者，有人覺得我應該講：「點會翻唔倒轉頭？你仲好地地，聽日唔自殺咪得囉！過去改變唔倒，但起碼你改變倒聽日嘅選擇丫！」
只係，我知道遺書嘅內容，所以我知，就算佢改變倒聽日唔死嘅選擇，有啲野，翻唔倒轉頭就係翻唔倒轉頭