[有沙入眼]是咁的，我嘅職業係幫想自殺嘅人寫遺書: 11.小熊維尼

我地整完全年證就入場，要掃手指模，好似過關咁 

由於係閒日，所以入面好多自由行，個個講普通話，仲以為自己翻左大陸 

阿may帶住我直衝去幻想世界園區 

「我要玩小熊維尼！」佢好興奮咁講完，就拉左我去排隊

「你知唔知其實小熊維尼係女仔黎架？」 





佢唔講我真係唔知 

咁跳跳虎騎住維尼熊…… 

唔怪得啲人成日話迪士尼其實好淫啦 

坐喺個蜜糖罐入面搖下搖下，我發現身邊嘅阿may笑到成個細路女咁，好可愛

佢又突然摟過尼，叫我望鏡頭 





我都未反應得切，就已經影左相 

搖到最後，佢話︰「你睇你睇！維尼比人口爆，成口都龍汁呀！」 

「蜜糖黎架大姐……」