【新版】【女童軍系列】《我被陽光照耀的日子》: 第三章──陽光宅男(2)
「其實我呢…就本來想嚟借嘢嘅，你搞到咁……睇嚟我都要照顧埋你架啦下？」
「好彩你都有自知之明。」我嘆了一口氣，坐在沙發上。
「你有冇藥啊？」阿妤翻開雪櫃。
「無…我老母只係留低咗少少生活費……」
「咁啦，我整粥同幫你整條熱毛巾，你休息先，仲有啊……」阿妤取下我吞在口中的探熱針：「你睇電視戲睇上腦咩，吞住探熱針唔會令你好番嫁。」
「……」
「我宜家就幫你落街買啲嘢返嚟煮，你訓返覺先啦。」阿妤從洗手間弄了一條毛巾敷在我額頭上。
哪個男生娶著你，真是三生有幸。
阿妤出去不久便手握著一袋一袋的新鮮材料回來，單單從沙發上已經聞到了一陣海鮮味。
「係咪好貴嫁？俾番錢你……」我病病歪歪地說。
「唔貴嘅。」阿妤拉一拉高手袖，開始處理手上的材料：「買咗啲蠔仔、免治牛肉、菜寶、蔥、芋頭、薑仲有蝦，只要切好所哂落碗粥就搞掂，又平又好食。」
「哇…聽落難道幾高……」
「粥姐，難我唔到。」阿妤已經開始流暢地切好著所有材料。
「個菜譜你自己發明架…？」
「至少出面唔會食到先。」阿妤默然一笑。
「好人妻…」我讚嘆到舉起姆指給阿妤一個讚。
「放心，我仲未結婚喎。」
「你唔結婚就最好啦，世上好難搵到第二個你架嘛。」
「你呢，口花花、唔專一又鐘意駁嘴，邊個嫁著你真係要同你鬥一世氣。」阿妤說。
「我諗……可以忍受到我嘅，真係得你一個。」我抬頭望向大廳牆上掛著的數個相架：「記唔得我哋第一次點樣認識？」
「記得~」
說起來，我跟阿妤第一次相識的經歷還真的有夠好笑。
還記得那天，太陽很猛，我本身自己一個在幼稚園的校巴上是獨坐雙人位。但那一天出現了一個比我個子高一點的女生，她坐到我旁邊。
那個女生，當然就是阿妤嘍。
就在校巴開動的期間，我已經注意到她一直凝視住我。然後她無端白事把自己的幼腿放在我的大腿上就這麼壓著。
不久，她還整個人壓住我在椅子上，大家鼻尖剛好零距離的碰著，然後凝視住我。
那時候還小的我可被嚇壞得一句聲也不敢出，而且可能因為我們還是小朋友腳短的關係，車上的保姆並沒發現她壓住我。
整程車她就這麼壓住我，凝視著我……
陽光從窗布隱約地射進來反射著她側面的容光，現在我還不曾忘記這位霸道的小女孩。
下車後，我立即回到當時我還是十分孝順叫老媽作媽媽的身邊。但接下來更沒想到的是，這個遙嘉妤下車後走過來把我抱住！
我第一想法就是，這女孩很霸道很可怕！
我老媽跟阿妤的姑媽看到這場面也嚇了一跳，但隨後反而大笑起上來。雖然我不知自己為什麼會哭泣起來，可能是阿妤把我抱得太緊。
那天，我抬頭望向比我高一點的她。陽光背向著她整個人，這刺耀的畫面，我大概怎樣也不會忘記吧。
阿妤的姑媽還溫柔地問：「小妤，你點可以隨便抱住人哋架？」
「哈哈哈……細路仔就係咁無戒心。」老媽走到哭泣的我的身邊，笑著說：「小晞，人哋個女抱住你，你執到啦！」
自此，阿妤的姑媽與我的老媽就變成一對好朋友。而我跟阿妤，也順利成章發展到現在這段關係。
有時候，小時候種下的因緣真是不可以說小。
「滋滋滋~~~」阿妤開始「爆香」著已切成一小粒的芋頭。
我一時心血來潮，取房間拿了枝木結他出來，開始彈奏著阿妤教我的那一首《陽光燦爛日子》。
「You are my sunshine ♪~My only sunshine ♪~一喊♩~一笑♩~光陰似水~踏入奇妙之旅♫~抱你然後安睡~祈求讓你了解~動盪年代有太多怪事情♫~」
「…阿晞，點解你咁快上手……」阿妤轉頭望住我：「你轉chond咁順嘅…」
「唔知喎……可能無聊拎出嚟彈下，咪開始彈得順。」我一邊彈奏一邊問：「話時話，點解你細個嗰陣無啦啦抱住我嘅？」
「…」阿妤把免治牛肉、蠔仔及蝦等材料都倒進熱粥鍋裡：「唔俾？」
「得~攬一世都得。」我淺笑。
整鍋蠔仔粥煮完後，阿妤給了我一碗。那碗粥的香氣單單一聞，就已經令人胃口大開。
我合上雙手：「我唔客氣啦。」我像個數天沒食物進肚的人一樣很快地便扒完整碗粥。
「正啊…」到吃完整碗粥後，我才從美食的世界裡回過神來：「成個人暖哂！」
「你啊，好心你間房得閒就拉開個窗簾，吸收啲陽光，咁先有維他命。」阿妤一邊吃一邊說。
「我隔離咪有個陽光囉。」我用手指戳一戳阿妤臉頰。
「又口甜舌滑，不過你個比喻幾貼切啊。」
「認叻。」我無奈一笑，走到去電視機旁取出一盒光碟，把其中一張放入電視機裡。
「睇咩啊？」阿妤問。
「求婚大作戰。」我坐回到沙發上：「見冇嘢做又唔想訓，咪重睇多一次，有冇睇過啊？」
「有，不過人係無第二次機會……」阿妤說。
「所以個故事就係同我哋講，人唔應該活喺過去嘅執著……而係要改變將來。」我說。
「咁你呢。」阿妤望住我：「你又有冇繼續活喺過去。」
「…」一時之間，我答不出阿妤這個問題。
於是乎，我們就一聲不響的觀看著這套電視劇。
時間不留人，很快便去到了二月中。校方為了讓同學放輕鬆應試，所以舉辦了中六級同學最後一次參與的學校活動──石澳燒烤。
今次很多同學都有備而來，例如一大早便托著一盒盒生龍活虎的海鮮去學校，又準備了一部又一部的拍立得相機，準備作最後的留念。
乘著旅遊巴去到石澳後，不少同學都立即更換了便衣落沙灘，有的就負責去到爐邊進行起火等工作，不過還是最多人眼悄悄地望向擁有七大女童軍的地方。
而我，則站在爐邊遙望著沙灘外的海平線。今天有和風吹送，又綠樹成蔭，是個燒烤的好日子。
我望向遠方的阿妤，她正負責幫其餘的班別起爐，不過望見她臉上那黑巴巴的木炭污跡真是有夠好笑。
不過不得不佩服，她連在這裡野外燒烤也有自己一套的烹飪方法。例如會用錫紙包住雞腎等內臟、在元貝上放一大匙樽裝的沙嗲醬、把鮮蝦切一半加上青椒胡椒等燒得香香的，令遠方的我也不禁垂涎三尺。
相反，我們這一爐的阿發、Eric及王大雞等只會把那些普通的肉丸子插在燒烤叉中燒，相比之下有點頹廢……
「燒隻雞翼俾阿妤食先。」阿發走到桌旁，把雞翼插到叉上開始燒。
「喂喂喂…你諗住就咁燒之後拎俾阿妤啊？」我問阿發。
「係啊。」阿發點頭。
「點得嫁，佢高手嚟嫁，一食就知你有冇心機整啦。」
「我好有心機燒嘅，佢一定鐘意。」阿發說。
「好，我同你鬥！？」我望住阿發。
「吓？」
「睇下阿妤話邊隻雞翼好食啲，好冇？」我問。
「好啊。」阿發答應挑戰。
我立即走去把雞翼準備好，當然我不會像阿發這麼白痴，打算在最後才放上蜜糖當調味，阿妤這麼聰明，一定會知道誰做的雞翼最用心最好吃！
「喂。」王大雞突然走到我背後。
「咩料啊…」我望住他。
「我問你咩料先啱。」王大雞笑了一笑。
「吓？」
「你突然好似咁緊張遙嘉妤嘅？」
「……」我想了一想：「邊…邊有啊，同阿發比下賽唔得咩……」
「心照。」王大雞拍拍我膊頭。
我真的有對阿妤更為關心了嗎？不管了，現在比賽要緊。
之後我從班上拿來一些青蔥，用膠刀把它們切好連同少量黑胡椒撒在雞翼上，再拿一小片雪印牛油塗在雞翼身上，才開始正式燒。
「哇，又搞喱樣個樣，原味好食啲。」阿發望住我的雞翼。
「宜啲唔係叫搞喱搞路，宜啲叫熱誠，改良一樣食物本身嘅味道，追求更高嘅層次。」我說。
「哈哈哈……」王大雞見我跟阿發的戰爭後，就開始笑起上來。
「王大雞，你再笑我連你都燒埋。」我盯了他一眼。
「咳…」
十分鐘左右過後，我與阿發的雞翼也已經燒好。他的雞翼是金黃脆皮的，而我則帶有油膩膩的，不過沒他一樣乾瘦，相反內裡的雞汁保存得十分之好。
然後我跟阿發就拿了去給阿妤評分，阿妤一開始見我們兩個走來也有點愕然，不過我們跟他說了要比較之後，就笑我們無聊。
「講，邊隻好食啲！？」我問。
「我好用心整……」阿發說。
「呃…」阿妤舔一舔嘴邊：「無話邊個好啲唔好啲嘅，青菜蘿蔔各有所好，我鐘意食牛柳，所以請你哋將雞翼收番去喇！」
結果，原來是我們兩個也輸。
吃完一大輪之後，就當然要做適量的運動，所以我們就一班人衝了到海邊遊玩，感覺上總有一種莫名的青春。
我跟阿發一頭一尾的捉住了王大雞，一起拋了他落海，又不斷抓起地下的沙擲到Eric的身上，總之直到我們玩得很累的時候近乎中午時份，人流也開始變多。
石澳附近的士多鋪也開鋪了，我跟王大雞去了那裡買了一副叫昆特牌的卡片對戰遊戲，渡過了中午太陽猛烈的時間。
直到四時多，學校的老師散去，學生亦有些已經離開，不過我們當然不會這麼快就走，至少要玩到晚上才夠本吧。
這樣問題之一出現了，就是大家的食物都吃得七七八八，假如要再燒的話只能找個人出石澳再買入來。
「好餓呀……我唔想去士多買麵食啊，好叉貴。」王大雞躺在沙灘上。
「Hey！」就在此時，另一個年青人走了過來：「你哋學校想唔想一齊玩？我哋有個比賽，想搵多啲人一齊玩姐。」
「吓，唔喇唔喇，你哋搵第二啲人啦。」王大雞說。
「唔好咁喇，幾好玩架！我係一間社福機構嘅活動搞手，一定要搵幾個人嚟比賽搞到氣氛高啲架嘛！」
「得。」我說：「不過有條件。」
「係？」
「條件就係，你輸咗嘅話要分一半肉同菜我哋。」我提出條件。
「吓！我哋社福機構嘅人都可能唔夠食喎……」
「點呀，咁咪唔好玩，世界上係唔會出現無獎品嘅比賽。」我淺笑。
「得得得！！！一於咁話！」他答應。
接著，那人把我們帶到去沙灘的另一邊，開始講述遊戲玩法，而原本一直待在樹蔭下彈結他的阿妤也被我的目光吸引過去。
「遊戲好簡單，三項鐵人！我自我介紹先，可以叫我糯米糍學長。」他開始講解遊戲：「首先，兩邊參賽者要由我嘅位置，跑到去前面插住枝樹枝喺沙到嘅位置，拎到枝樹枝就代表贏咗一局，之後再游水去到工作人員指定位置，潛水落去執一塊心型嘅石頭再番上嚟，執到就代表贏第二局，最後第三局比賽會喺其中一個人上水之後臨時講述！」
「喔…即係長跑加游水。」我說。
「你哋派邊個？」糯米糍學長問。
「就我。」我舉起手。
「你掂唔掂嫁，啲咁緊要嘅關頭交俾我好喎…！」王大雞在一旁說道。
「你等食啦~」
「好，我哋社福機構派出嘅代表係有飛毛腿之稱嘅陳浩信！」
「Wow！！！！！！」一大陣的歡呼聲。
啊…來圍觀的人越來越多，壓力開始有點大。
「落晨晞！落晨晞！！！」王大雞也大喊起來，呼籲著我們學校的學生過來支持下我。
「講明獎品先！輸嘅話要交對方一半嘅食物予對方繼續燒烤！」糯米糍學長喊道。
「落晨晞加油呀！！！」、「唔好輸呀！！！輸咗我哋乜都冇得食啦！」、「十卜你呀──！」
「兩位選手準備好未！？」糯米糍學長問道。
「準備好！」陳浩信點頭。
「準備好！」我舉起姆指，望向與海平線相交重疊起來的夕陽。
「３…２！１！！！go！！！！！！！！」糯米糍學長大喊。
我跟那位叫陳浩信的人兄也立即狂奔向前，望住最遠處的那一枝插在沙灘上的樹枝。
話說回來，這傢伙也不是蓋的，速度竟然和我一樣。就準備去到要奪下那樹枝的時候，那傢伙竟然突然發力，我逼於無奈之下只能向前撲去奪過那樹枝，遺憾的是竟然被他搶先一步拿走……
「第一局，陳浩信勝！三秒後緊接第二場比賽！」糯米糍學長大喊。
三秒過後，我與他奔到大海裡頭游到去工作人員附近，就在我正打算潛入去水底的時候，我聽阿妤的呼喊……
「阿晞，呼哂啲氣出嚟再潛落去呀！」
我沒有一思疑惑的照阿妤所說，呼出了所有氣才潛入去水底，陳浩信潛到一半的時候疑似再落不到更深，所以就算見到那塊心型石頭也取不了。
而我卻出奇地可以輕鬆地潛到落水底，把那塊心型石頭取到……是阿妤剛才叫我潛水前呼出所有氣的關係嗎。
我浮出水面後，立即後立即游番去岸邊，陳浩信幾乎同我同一時間上去，現在是一比一。
糯米糍學長叫我們上到水面後亦即刻講述第三局比賽：「決勝局！喺在場搵一個女仔到我面前！」
「……」陳浩信有點猶豫地望住在場不同的女生。
而我則毫無疑惑地走向一個女生面前，先把手中心型石頭含在口中，然後以公主抱方式抱起她：「借你嚟用一陣先，阿妤。」
阿妤似乎還未反應過來，眼神有點像迷途羔羊。
我把阿妤抱到主持人糯米糍學長面前時，雙腳終於乏力，單腳跪了下來。
「塊心型石頭呢？」糯米糍學長問。
我把心型石頭從口中吐出來：「贏咗…嗄……攰到死。」
「宣佈！勝利者──！」糯米糍學長低聲問我：「你叫咩名？」
「晞…嗄…嗄……」
「阿晞！」
我氣喘無力地躺在沙灘上，都不知有多久心沒有再跳得這麼快……
「死得未啊？」阿妤拉開我手臂。
「差唔多……」
如結果所說，因為我贏了的關係，青年協會那邊的人都分了一半食材給我們學校的人。不過大家都主要趁臨近天黑之前，一起以夕陽作背景，在沙灘前面合照了一幅又一幅的照片。
阿妤則陪著我在沙灘上坐到現在，一起望著那金黃色的海面，而人群亦開始散去的關係，所以能清楚地聽得到海鷗與海面的茄浪聲。
「點啊？陽光幾好呢，你多啲好似啱啱咁咪幾好，唔洗成日困自己喺間房入面。」阿妤說。
「宜種感覺，的確好似遺失咗好耐。」一股推動力的感覺。
「人跌過嘅話，的確好難重拾番當初嘅個種感覺…」阿妤繼續說下去：「但係信我……相信自己嘅能力同感覺，佢一直都仲喺到。」
「你真係好似一個太陽…」我淺笑一聲：「永遠都指引住我咁。」
「每個人跌過，你陪我捱過，我都會陪你捱過。」阿妤微笑望著海邊飛翔的海鷗。
「你都經歷過一啲人生之中嘅傷心事…？」我還以為阿妤由出世到現在都是這麼堅強。
「記唔記得幼稚園？個陣我喺間校巴上面壓住你。」
「記得……宜件事幾時都咁好笑。」
「個陣，我父母發生咗一場車禍，兩個都離開咗。」阿妤抬頭仰天，望著橘黃似甘的天空：「之後個一嗰星期，我上到校巴咁啱就遇到你……喺你身上，你有一種同我爸爸好相似嘅氣息……陽光嘅氣息，所以直到落車我就一直抱住你，唔想你離開我…係咪好搞笑？」
「Sor…我宜家先知。」我抓抓頭髮。
原來阿妤的父母是這麼早離開……難怪…我都沒有見過她父母，從來只看見她姑媽一個照顧她，而且經常來我家中蹭飯，還以只是她家人一直忙著工作……
亦難怪，由小至大妳就這麼堅強。
相較之下，我實在太過軟弱。
「唔緊要，宜啲事都冇人想提。」阿妤說。
「呼…」我呼一口氣，然後鼓氣勇氣地說：「其實，我都有一段不堪回首嘅過去~」
「我知，中四個陣。」阿妤答：「……你收埋自己喺房成個星期。」
「中四個陣……我喺地下酒吧嘅狼族演唱會入面，識咗一個樂天嘅少艾，佢叫Ruby。」我低一低頭，望住地上的軟沙，不自覺莞爾一笑：「佢份人好活潑…又好開朗，總係喺其他人身邊跳嚟跳去，又會陪朋友做又癲又喪嘅嘢…影相個陣佢表情就永遠最趣怪，明明有電話…又好鐘意寫信俾人，最後我因為佢嘅性格，而同咗佢起埋一齊。」
「…之後呢？」
「直到有一日，Ruby佢好似失咗蹤，我完全搵唔到佢，咁嘅情況一直維持咗一個月，我以為佢係憎我死性不改，想離開我……直到有一日，我收到一段影片。」
然後我取出手機，讓阿妤觀看那段影片。影片中，Ruby依舊說著以下的對白，這副面容看多少也不會厭倦。
「晨晞，有冇好掛住我呢？你係第幾次睇宜條片啊？第一次、兩次、四次、十次？你都應該有有老婆有仔女啦，可能你只係突然間感嘆世事，拎番條片出嚟睇，係咪估中咗呢。我都走咗好耐啦，仲有冇傷心啊？你唔好傷心添啊！打爆你啊呀！所以有冇學我咁享受喱個世界帶嚟嘅一切？有冇學我咁盡量陪覺得最愛自己嘅人？有冇學我咁好好學識珍惜每一分每一秒？冇嘅話你喱世人真係白活喇。從小呢，我爸爸就同我講，時間係一樣好奇妙嘅嘢，就算你用盡所有方法去改變，最後結局都係一樣，又或者只係受住不一樣嘅痛苦，但都係痛苦。
所以預期想改變時間一切，懷念過去，倒不如好好生活，從喱一秒鐘就可以珍惜，你話係未？再見喇！Ruby嘅神奇魔法要消失喇！真係要消失喇！Ruby Close！。」
「佢…」
「某一日佢喺我生命中消失，到宜家佢仲喺唔喺到我都唔知。」我閉上雙眼。
「…」
「佢以前成日出唔到嚟，係因為佢身體實在支撐唔到……仲等我有時會怨佢。」
「但係直到今日，你都仲記掛住佢？」阿妤說：「所以再無同過任何一個女仔拍拖…除咗返學…每一日都收埋自己喺屋企裡面渡過……」
「應該係話…我已經失去咗愛人嘅能力。」
「落晨晞，你真係陽光宅男。」阿妤望向夕陽：「不過……如果見到前面有陰影嘅話…唔好怕，咁係因為你背後有陽光。」
陽光打在阿妤的側臉上，就像一個從天而降的神女一樣。
你…就是我的陽光吧。
「Hey兩位，我知打擾你哋唔係好啱……」王大雞走近我們，說：「不過我哋相影幅大合照，所以你哋要一齊過嚟。」
「影相喎。」我逗笑地說。
剛才氣氛真的有點…
不知怎樣說。
「齊人啦，埋位！」王大雞大喊。
原來大家都早已站好位準備合照，只餘下我和阿妤兩人，所以我們也快速地找了個角落的一個位置，然後面向鏡頭。
她的動作還是十年如一的勝利手勢，而我，也沒有變過，始終是那個只懂得舉起姆指的男生。
合照過後要散的散，要留的留。要我則是留的那一位，不知為何我想留在沙灘看著星空，一直待到想走為止，這是男生的情懷嗎？
「喂，你唔走啊？」王大雞問。
「唔。」我搖頭。
「你貪死夜晚會有女咩。」
「坐下姐，洗死啊，問問問。」
「得得得！唔問，不過你留我都留，冇理由拋低自己最親嘅gay友嘅…！」王大雞輕撫著我的背部。
原本我還想著阿妤會準備離開，料不知她還握著結他坐在沙灘上彈奏著音樂。或許對她來說，彈結他就是其中一種抒發的方式。
合巧有一隻毛髮棕黃的狗走到過來我身邊，我便隨地撿起一枝樹枝，把她擲到阿妤身旁，那隻狗見狀便即刻飛奔過去把樹枝當作骨頭般咬住。
當然，阿妤也被那隻狗驚動了，而轉身望望它，再望向了遠處揮著手的我。
「你仲唔走啊。」我說。
「如果有個營火，之後我再喺到彈結他~你話幾有情調呢可？」阿妤說。
阿妤一言既出，我便開始收集樹掉跌落了的樹枝放到聚在一起，再用打火機點燃著起來，當然還需要拿一塊沒用的紙皮或膠碟把火弄大。
誰不知我最後竟被營火的火舌觸到了紙皮，使得整張紙皮也在燃燒起來，我的大意，使得阿妤也忍不住要笑著撲火，幸好周地也是沙，火勢才不致大下去。
「落晨晞……你有冇常識嫁？」阿妤無奈地搖頭苦笑。
「我份人嘅構造元素表勇氣佔咗一大半。」我笑一笑，抬頭望向月亮，又不禁回想起與Ruby的點滴。
「如果…」阿妤似乎注意到我感慨的表情：「如果你想抒發下心情嘅…咪去行下山囉。」
「行山？」
「係啊，我成日行山，一有壓力、一有唔如意嘅事就會行，行到自己放鬆哂為止。」
「真係唔知你有行山喎，總以為你淨係會游水同彈結他添……」
「你從來都唔留意我，又點會知呢？」
我抓抓頭苦笑：「又係。」
「不過你咁講一講…我又想試下行山。」如果Ruby還在我身邊的話，也不會想見到我整天就是把自己收藏在房間內吧。
「Good try。」阿妤總保持著陽光般的笑容：「人有時經過一啲辛苦嘅歷練，你回頭一看，就覺得以前所承受嘅根本就唔係咩一回事。」
「又係嘅。」我擦一擦雙手：「哇…開始有啲凍添。」
「下星期仲凍，得番三、四度。」
「如果個一晚食阿妤煮嘅粥，一定暖到入心入肺~」我搭住阿妤膊頭。
「唔得喎，我要上大帽山喎。」
「吓！？夜媽媽上大帽山做咩？」
「下個星期大帽山可能會落雪啊嘛，天文台吹到話係百年一遇啊嘛，咪去睇下囉。」
「係真唔係啊？香港落雪……？」
「我邊有呃過你，從來得你呃我。」
那一晚之後，我就開始思考著阿妤所說的，就是去不去大帽山好，因為她也說過這次是十分困難、上面存在著很多不明的因素。
以前我遇到行山這些如此正面的活動，我是一定不會出席的。
因為我始終是個享樂主義者，要我花時間去跟花草樹木溝通，倒不如去聯誼派對多識幾位異性朋友還好。
而且網上亦有很多行山專家說，不時經常像阿妤般行山的市民最好不要上去，因為很危險，山頂上面幾乎是負十度左右。
不過…
我覺得人生之中，有些事是必然要做。可能如阿妤所說，或許我上到山頂，真的會得到新的啟示吧？
總好過那一天，或是每一天，都躲在房間裡，足不出戶的渡過整個人生旅程。
我的自責後悔浪費了太多時間，所以我已經為今晚準備好。
好…大帽山，我來挑戰你了。