【猴年血腥】《拜完年，我畀狗咬死左》: 13. 黑無常 (3)

直接看畫面，比透過敘述更為震撼。
 
看完之後，我覺得心靈裡面，某一處空隙被治癒了。
 
這一條命，到底可累積多少功德？
 
佛語云：「救人一命，勝造七級浮屠。」他影響了超過一億人？阻止了多少人自殺？救回了多少人的性命？用浮屠來計算的話，是有多少層？
 
可以換取多少功德？
 




在我，仍然在猜想的時候，恭子逞先一步伸出了手。
 
恭子逞採取行動了，抓住了我左手的生命靈體！
 
「你……做咩？」我問。
 
「唔好同我爭！」他執著地說，雙手要搶走這一大條的生命靈體。
 
「喂！你冇野呀？」我及時補上右手，一起以雙手爭持。
 




「啵——淅瀝……」
 
生命靈體被抽出水面，我們在石桶旁邊互相搶奪。
 
「喂，你唔係！唔肯飲孟婆湯架咩？」我再問。
 
「你唔明架喇！只要……有左哩條命，我就可以……」他漸漸喪失理性，眼神時而空洞、時而猖狂。
 
「你唔係話！做偉人好辛苦，勸我平凡是福架咩？」我再質問，力氣不夠他大。
 




「地獄我都經歷過啊！人間既苦算得啲乜野？」他凶猛地大叫，抽一手，朝我臉打一拳。
 
「仆你個街！醒下啦！」我一腳踢過去。
 
「啵——」腳面印著他的腹部，將他踢開了出去。
 
白無常被我踢走之後，失重心倒地，跌在地上。
 
「死……我係咪……重手左？」我擔心地說。
 
隨即——
 
黑紫氣，憤怒地全身暴發。
 
白色帽子轉變成黑色帽子。




 
「啊……」恭子逞眼睛瞪大，反成白眼，面孔不斷長出頭髮。
 
不久，烏黑長髮披下——
 
這人再無白無常的氣息，原本正面的白衣，已變成黑色的背部披風。
 
相反，在長髮的背後，人臉也已有了活動。
 
她轉身，純黑的眼睛，把一切的恐懼情緒都放射過來。
 
——咒怨、含恨、狠毒！
 
我背部冷汗直冒，再嚥口水，腳不住抖震地退了一步。
 




「黑……無常？」我顫抖問。
 
她沒有回話，正面的她衣著不多，只見黑皮胸罩、黑色長褲，還有肩上的黑披風和黑高帽子。
 
純黑眼珠，異常驚嚇，面色異常地青色。
 
「一個咁索既人，點解會有一個咁既眼神？」我不忍心問。
 
緊接著——
 
黑物質、白物質，在她手上聚集，形成一柄銀鋒匕首。
 
「喂，妳想點啊？派狗咬死我仲唔夠？仲要……」我慌張起來，抓緊手中的生命靈體。
 
她左手一揮，黑紫氣狂暴地沖刷過來——




 
「呼呼呼呼呼呼呼……」
 
「仲要殺多我一次？」我交叉手，以生命靈體護在頭前，身體不停被黑紫氣沖擊。
 
剎那間——
 
銀光一閃。
 
她已在身前，右手握緊匕首——
 
「嘖——」刺進我的左腹！
 
 
血流……而下……




 
 
低頭，看著左腹上的傷口，看著貼近我的黑無常姐姐……
 
「哧——」我只能苦笑。
 
頭腦一陣暈厥，腦海裡回憶起第二世的最後一番話。