【猴年血腥】《拜完年，我畀狗咬死左》: 11. 反騙計 (2)

「霸氣。」恭子逞又覆述了一遍，進入思考，「今次係第二次提到哩個詞語。」
 
在我的背後，他雙手放在我的雙肩上。
 
「點解，你會想加呢？」他問，像會隨時抓緊我，像是暴風雨的前夕。
 
「係咪頭先，我醉左之後，你發生左啲咩事。」他質疑地問。
 
現在的我，是新的我。
 




為了逃出這個地方，我必須要完成第二世的安排。
 
欲騙人，必先騙自己。——第二世。
 
第一步棋，我開始下了。
 
「依加既我，同頭先有啲唔相同。」我側頭回答恭子逞。
 
「有咩唔同？」他問。
 




「我諗通左好多野。」我沉重地說，眼睛斜看地面。
 
「例如呢？」他問，仍然沒打算解開我的手銬。
 
「簡單黎講，我決定左要存夠十萬分功德，然後下一世死後，上天庭做天兵。」
 
「點解你突然……」他欲問。
 
「但係——」我截斷了他。
 




「我唔止想做天兵。」說著，我揚起了嘴角。
 
野心，一步一步擴大。
 
「我要係天庭出人頭地。」我說。
 
「但我擔心一陣飲完孟婆湯之後，第十世既我，係一個又軟弱又婆媽既人。」
 
「咁既話，就算存夠功德，上到天庭都只會當一世兵。」我繼續說。
 
「兵字冇出頭。為左唔想我下一世死後，要做千秋萬世既兵，我決定要加強一啲——」
 
「強者所需既能力。」
 
「如果第十世有霸氣，佢帶住霸氣升天，應該唔會弱，甚至有繼續向上攀升既機會。」




 
「話唔定，有一日，可以當上天界元帥，手握上萬天兵神將，成為天庭大人物。為左實現哩個宏願，我決定……」
 
「增加霸氣。」我眼神堅決，霸氣外露地說。
 
「你……」恭子逞難以置信。
 
「解開我手釦，唔好再拖我時間！」我命令說，「等你訓醒哩段時間，我已經鋪好左今後既路，我已經急不及待。」
 
雙腳抬到石桶上，慢慢交疊。
 
我把腰仰後，舉頭倒貼頸背，放鬆地倒望著他。
 
「喂，你聽唔聽到我講野？」我不耐煩地問。
 




 
於是，手銬解開了。
 
「鉲嚓——」