《十年又過去，我對你仍耿耿於懷》: 8

「佢⋯⋯佢覺得我on9又點，我又唔係事必要理佢感受嘅。」 
「呢個世界，又無話事唔事必嘅，只不過你選擇咁樣，你呢世都唔洗旨意媾到女囉。」 
「我點解要媾女呀？」我緊張地說。「我呢啲高質男，梗係等人媾啦。」 
「咁你等下啦下。」 

我聽完Franco的說話，一邊鬧他痴線，一邊在心底思索。 

林安琪，呢個女仔⋯⋯有咩好呀⋯⋯ 
蔡梓豪，你又憑咩想追人呀？ 





少年心事，第一件事不是想如何追一個女仔；而是想自己有沒有資格追一個女仔。壞孩子可以挑戰任何人，可以鄙視任何人，但總有一個致命傷是無法剋服。 

愈想，我就愈懷疑自己對林安琪的感覺。 

我突然發現，我整個中學生涯，我都好像沒有正面和她說過一句超過十五字的話。 

「林安琪，你想點呀⋯⋯」我抓抓頭問道。 


我記得那一晚903剛好播著soler的《失魂》： 




我靈魂已失指引 
我失魂因你屬別人 
我靈魂喪失指引 
到夜深繼續又去等 











聽著，就慢慢入睡，到了第二天，發生了一件令人震驚的事。 

我⋯⋯居然六點半就起床了。 

整個中四，我只有這一天能準時起床。 

那天，我七點就出門。坐地鐵上學去。 

在地鐵上，我就遇到她⋯⋯ 

林安琪。 











我想上前打招呼之際，我卻發現她臉色紅紅的低著頭，後面站著一個樣子猥瑣一副草泥馬樣子的中年男人。