《十年又過去，我對你仍耿耿於懷》: 3

「我都只係想知，其實你仲有無掛住我啫。 」

這句說話，已是一段段分別後的感情最終極的題問，問了這問題，也只是渴望自己能在對方的人生中佔了一點重量。好證明過去相處的日子沒有白費。

我是這麼想，不過是一個答案。

安琪沒有給我，她只單純的把我們的對話停留在「Read」的狀態。


我看著手機，沒有說話⋯⋯






這時，我女朋友打給我。
「BB，做緊咩呀？」
「瞓咗喇！」我沒有掩飾過我根本沒有一絲疲憊。
「咁早嘅⋯⋯」她用娃娃音說。
「唔洗做咩⋯⋯做嘢攰嘛⋯⋯」
「咁又係，吖，我約咗Kimmy同埋佢班朋友去船P呀，你有無興趣去呀？」
「上次你唔係問過喇咩？」
「係呀，睇下你會唔會轉軑嘛⋯⋯嗱⋯⋯無機會㗎喇！一，二，三！去唔去？」




「唔去呀，你知我唔鍾意呢啲場合㗎！」我皺眉頭。
「咁⋯⋯」
「你夠唔夠錢去㗎，今個月第三單船P 喇喎！」我問她。
「都夠嘅⋯⋯」
「唉，咪喇！我一陣過二千蚊俾你責袋喇！唔好亂洗亂買嘢呀！知唔知呀？」我二話不說就轉帳給她。
「哦⋯⋯」
「好喇，我攰喇！你都瞓喇好唔好呀？」
「知道⋯⋯」
「早抖。」







「早抖⋯⋯」我想掛線時，我突然想起一件事。「Faye，八月二十請假好唔好，我同你去澳門玩。」
「做乜突然咁好死呀⋯⋯」
「我得嗰一日有假咋，好唔好呀？」
「好呀！好呀！」
「好啦！早抖，瞓喇！」

「Good night BB」

拍拖三年，總要一些這樣的小驚喜的。我不是什麼有錢人，我在畢業的final year和Faye在一起，之後我在一間藝術機構工作，她則在Sasa做sales。

慢慢，我們的生活模式不同了，話變得少了，要維繫就變得吃力了。

所以更要偶爾帶一點小驚喜給對方。





「叮叮」facebook 傳來兩則狀態更新。

「曾霏兒：聽日著邊套泳衣好呢？好難諗>_<」
「林安琪：想念是一種重量」





想念是一種重量.