《我遇上了我的夢想女生》: 第十七章

媽的，個醫生FAKE人既，又話２個星期好得返，而加足足要成個月先可以完全唔痛。而學界我地的確輸左比同線最勁戈間學校之後我地就無再輸到，而我地仲有最後一場未打。

但ED都唔係我最關心既野。因為盈仲有一個月就生日，而我決定左今日要比個難忘既生日佢，就係同佢表白。

拿，我唔係因為係同一日表白可以慶祝小一日，我並唔係Ｄ咁既人黎，而係我真係諗唔到有咩好日子去表白。

但諗下其實同一日都唔錯阿，因為真係可以煩小日。嘻

我知我好仆街。。





當然我係唔會冒險，所以我會問盈戈日得唔得閒。

［嘟～嘟～］

「喂？Ｋ，做咩阿」盈說

「喔，無咩，我想問你生日戈日得唔得閒？因為我地成班想幫你一齊慶祝，所以搞下飯局咁」我說

「得閒，咁我地會去邊食」盈說





講到最浪漫既地方，沙灘當然係最好既選擇啦。而正正沙灘隔離就係一個燒烤場，再加埋個沙灘實在係太遠啦，普通人去沙灘玩都唔會簡戈到，所以到時既道具就唔洗怕比人搞，真係FIT到漏油。

「我地諗住燒烤阿，而加有小小風，涼涼地燒下烤，超舒服。」我說

「好阿，我都好耐無燒烤啦。」盈說

我係電話入面都覺得盈係有小小開心，有小小甜。

「係拿，咁到時我地２點會玩到８９點左右，你O唔OK?」我問





「我ＯＫ阿。」盈說

「咁好啦，我到時１點半左右到你屋企樓下接你啦。」

２點的確係開始既時間，但再加上要佈置，所以就會９點開始佈置

當然，講到明難忘既驚喜靠我一個又點得呢，所以我就搵哂我型好兄弟出黎幫我手諗下計。所以我地係放假戈日約埋出黎傾下點搞。

因為沙灘同盈屋企既距離真係有Ｄ遠，所以佈置戈方面真係只可以幫到一半。

而我係有搵到軒幫手，當然要花心思正係班麻甩佬點得，我就搵埋盈身邊既女仔。

點知去到戈陣佢拖住條女黎，戈條正正就係佢之前想追戈個阿MON，估唔到個死仔真係追到佢。仲要識遲過我追得快過我，我頂。

「唔好意思，借用一下你條仔。」我過去跟MON說





「喔，好阿。」MON有點意外地說

而我就一野拉左軒去到第邊。

「死仔，估唔到你真係追到佢阿。」我說

「真係追得好辛苦架，不過好彩最後都追到，拿，戈日係房到講既野我仲記得架，所以我一定會盡全力幫你。」軒說

「唔該哂你～～～」我說

人齊，我地坐埋係同一台，傾完野再轉地方傾。佢地今日整日就係咁比左我，嘻。

「唔該哂你地阿，今餐我既，」我說





「咁我地就盡情食啦喂」豪說

「睇黎你今次落重本WOR，今餐飯再加埋道具，都要用唔小架WOR」傑說

「唔緊要啦，我諗會值既。」我說

值唔值我真係唔敢講，因為今次我都係諗住試下架咋。

其實我係好驚，因為如果衰左既話我驚連朋友都無得做。

但係我點都覺得青春就係要咁用，唔後老左之後一定會後悔。

所以我都係決定放手一博。