《我遇上了我的夢想女生》: 第七章

話咁快12月25日，聖誕節，

就快到了。

「２４號夜晚出唔出去？」我問盈

「我地２個？」盈問

喔。。。





「係。。阿。。」我說

「做咩阿？怕怕羞羞咁？」盈笑著說

「咩WOR，咁你去唔去？」我問

「好阿」盈笑著說


－－－－－－－－－－－－－－－－－－－－－－－－－－





每天，大約過著差唔多既生活。大家一齊開開心心咁過，５個人一齊嘻嘻哈哈。

有日一齊食飯戈陣

「喂，不如搞個小camp仔？」傑說

「好阿好阿，我都想去」盈說

「都好，好似幾正」豪說





「幾時？」我問

「就下一個長假期，我地到時一於玩通宵。」傑說

「好阿」「嗯」「是旦」

－－－－－－－－－－－－－－－－－－－－－－－

正當我好勤力咁做緊(昨日)既功課戈陣

［呯］

無錯，佢依舊撞門入黎。






「唔好意思，嗄，我又差d遲到。」盈說

「好心你就唔好每次都咁岩岩好，成日就黎遲到」李生說

「太，嗄，眼訓，無計啦」盈笑著說。

「好啦你返埋位啦。」李生說道。

望住佢經常撞門入黎，可能已經成為我生活中既一部分，呢ｄ小動作，雖然好粗魯，但，那個就是她，［獨一無二的她］

「各位同學，考試下個星期就到，你地唔好再咁心散，就算今個學期過成點，都過去啦，仲有１個學期，好既繼續保持，唔好既就係下個學期追好佢啦，雖然你地係全級數一數二二跩既班，但我覺得你地班好團結，雖然你地成績唔算太好，但我覺得你地係聰明仔黎架。只係你地唔肯讀姐。」李生說道

雖然你地成績唔算太好，但你地係聰明仔黎，只係你地唔肯讀姐－





E句，我咁多年讀書生涯入面，聽過無數次，嘻。

可能既意思係世界上無蠢既人，只有懶既人，可能佢都係想兜個大圈話我地懶。

「我對你地仲對過我既仔女，我都當你地係半邊仔女架啦，有D我仲識左佢2 3年，仲係咁鬼懶同跩，至於某４個人成日激我，比人記名多到真係多到唔知點可以記出黎，希望你地下個學期乖D啦，不竟你地都就黎考大學啦，唔可以再咁架。」李生說道

點解我FEEL到殺氣咁重既？

仲有點解會突然咁感性既佢？

係我諗左戈幾分鐘入面我得出左個答案

就係佢傻撚左。

「喂，第一日就考數學物理，今次真係仆得街。」傑說





「咁都唔夠慘，第二日仲要生物化學，今次真係唔方唔生化危機」我說

。。。。。

好，我係冷左場既

「咁不如聽日我地出去圖書館溫書？」豪說

「下？你病左？你都會出黎溫書？」我笑說

「唔係呢，再唔溫我真係死硬，我上段每科平均分得２科過５０，我今段再唔溫就死硬。」豪說

＊60分為合格線，而我地學校只可以帶3單位升班，中英數2單位，文科1單位，理科1.5單 位，超過３單位補考，５.５單位直留。





「傻仔，平時上堂訓教阿ＬＡ，抵死。」曦說

「咁我地聽日出去溫啦。」盈說

「你唔係真係陪佢顛下話？」我驚訝地說

「我講真架，你地４個都咁多科唔合格，你地升唔到既話下年真係悶鬼死我」盈說

悶唔悶死你係其次阿，最大問題係唔可以再同我女神同級，到時佢就有自己既朋友圈子，人識多左，咁我既危機就愈黎愈大。唔可以咁架。

［啪］「好，我地５個一齊溫書。」我拍台說

「首先呢，你決定左溫書呢，就唔洗拍台既，因為你就黎嚇死我，再問多你一句，請問阿K生你係咪病左呢?又陪埋佢顛」曦一面正經地說

「咪係，你地３個真係要食下藥。」傑說道

「咁一係我地投票囉，睇下邊個支持去溫書，小數服從多數」豪說

「痴線，你地３個我地２個你地嬴硬」傑說

「咁咪姐係你地２個要去溫書囉。」豪說

「頂你個肺。」「考慮下」