封鎖維園年宵，來一場死亡遊戲: 其之24 － 「詭局」
一把頗為熟悉的聲音在身後出現，我回身一看，也是喜出望外。
「邵追！」雖然眼前人一身污血，但我還是一眼把他認出。
邵追是我的大學同學，基本上大學的所有校內報告，我們都並肩作戰。
畢業之後雖然沒有常常撞面，但閒來也會飯聚，談談近況。
我也聽說過他有機會辦年宵。
但我們當然想不到會被強制參與這個死亡遊戲，更想不到在這刻相遇。
邵追面露喜色，已經跑過來扶住我：「阿臣，你的眼沒事嘛？？」
突然見到一個舊友，我內心百味交集。但眼前人究竟是敵是友？當我在這修羅場見識過不同的人性之後，我甚至不確定眼前的舊友，是否還是同一個人。
我把剛才拾到的小刀收在背後，以避不時之需。
「我的右眼大約沒救的了，你呢？你一直在街頭呆著？」我驚訝的問。
邵追左顧右盼，非常小心：「我與一班朋友隱匿在自己的攤位中，這裡不好說話，你也來我這邊吧，人多好辦事。」
我心想這也不壞…過去3小時我雖浮游在街，但秒秒鐘都心驚膽顫，根本沒有辦法細想關於這個遊戲的一切。加上邵追是一個比我更心思細密的人，我也許可以從他身上得到更豐富的資訊。
邵追帶我走的路線很曲折，而且警戒心很強，他邊走邊問：「就你一個人…？」
這個問題，我猜他想問很久，只是不便開口。
「現在是…」我的答案短短3個字，卻清晰無比。
邵追沒追問，遙望上天：「我們都在這裡，失去了很多重要的人。」
星星不懂說話，也大約也在點頭。
邵追的聚腳點的確很隱蔽，入口設在後面，而且佈滿屍體，毫不顯眼。
他環顧四周，確保沒人之後，才領我進入這秘密基地。
甫一踏進，就聽到一把女聲：「係咪搵到阿燕呀？？」
只是當她見到跟在邵追後面的人是我，神色大為失望。
這一句也令現場氣氛頓變尷尬。
這些時候當然靠邵追來打圓場：「佢叫夏柏臣..我啱啱係外面巡察既時候撞到佢。佢係我大學既同學，我諗佢可以幫到我，多一個人，多一分力。」
這個女子沒等邵追說完，就問：「咁有冇搵到阿燕？」
邵追低下頭：「很可惜，沒有…」
眾人又是一刻沉默。我眼見現場的空間其實很少，但也擠下了5個人。
包括邵追，總共4男1女。
這個女的一副任性富家小姐的樣子，邵追即是架眼鏡的斯文人。
另外三男，一名較瘦削的在埋首於手提電腦中，另一名身班中等，但劍眉星目。
最後一個算是魁梧。
我也不想浪費時間：「大家好，我叫夏柏臣，我會將我所遇到的事告訴大家，希望我地搵到生存既方法。」
這名電腦率先發言：「叫我賢仔就得啦。」
另一個劍眉星目的男人接著：「林平。」
最後魁梧的男子：「叫我大雄。」
只剩最後的這個任性女，有點扭檸：「我叫娜娜。」
當下我把王尚少滅建制派、「信主派」與金王等殺人狂如何幹掉外國人的事都盡量描述。
林平聽了之後，嘆了一句：「人性就是他媽的不堪？」
邵追比較冷靜：「就到12:30，我想這個容身之所也快不安全，事實上之前也被幾班人發現過，要不是阿龍…」
娜娜再次打斷他的說話：「佢都死左啦你仲提！！」
我終於忍不住輕輕斥責娜娜的任性：「之前有個女人，即使死前都想保護個女，佢斷氣之前，拜託一個男人守護佢個女。最後？最後個男人連佢個女條屍都搵唔到…而個個男人就係我。係依個維園年宵，死亡根本就唔令人意外。你可以傷心，但係當你活著行出去，先有資格為死難者憑弔。」
娜娜說不過我，唯有沉默。
邵追避免氣氛太冷：「德仔，你入唔入侵到外面既網絡？」
德仔搖搖頭：「不行..我嘗試將搜尋範圍轉到中央圖書館，不過都係失敗。附近連半個訊息反應都冇…我懷疑佢地唔係斷咗我地既網絡連接，根本就係用埋磁場干擾…」
我心中暗叫不妙。
德仔再說：「不過我對整件事再有新既諗法，不如花少少時間同大家講下，另外都同阿臣講下我們的想法。」
眾人點頭允許。
德仔：「我地一開始就好懷疑所謂50人生存既勝利條件，講真佢可以隨時反口，所以我地一直花既時間都係想搵依班組織既秘密，從而掌握一啲佢地忌憚既野，作為交換條件..你就咁聽可能好虛，但其實係有道理既諗法，正所謂兩手準備。」
邵追接口：「或者咁講，從前有個人被判死刑，但係佢捉咗市長個女，結果市長唔敢殺佢，最後死刑犯帶佢地去搵返個女，個女冇事，死刑犯亦逃之夭夭。」
德仔再說：「我地就係個個死刑犯，依家就係要捉住市長個女，之後諗一個妥善既方法，做交易。」
我苦笑，指一指手錶，暗示已經12點20分。夠時間嗎？
邵追也是一笑：「所以要你幫手諗囉。」
這次到林平開口：「佢地出動到咁既排場…件事應該都係國際化，即係根本上就唔係咩恐怖份子，即使係，咁只係証明依班恐怖份子已經KO咗好多國家，包括香港。係維園開槍，邊會有人唔知呀。」
德仔說：「所以我地大膽假設…這種死亡遊戲，應該不止是維園一家。也許在香港的各地區，又或者全世界，都同步進行中。」
我不住點頭，大約因為我一直在外面狼狽保命，中段又誤入「信主派」，以致有很多簡單的推理，我都從沒想過，也沒時間想。
「一直以來既廣播，我都有用電腦錄音…我開始有點頭緒..你地有冇興趣聽下？」德仔說。
我左眼充滿期待，因為我感覺到我們開始接近真相。
現時，維園年宵場中，人數為3,012人
下一話：《0.5的啟示》
位置：不明