封鎖維園年宵，來一場死亡遊戲: 其之1

「喂，去唔去年宵呀？」 
「都好呀！邊日。」 

這一段說話，應該是農曆新年前大家常常聽到的對白。 
大約沒甚麼人想像得到，簡單一個約會，足以致命。 

年廿九的晚上9時，我與女朋友Audrey亦早已踏足這個維園的年宵。 
Audrey捉緊我的臂彎：「阿臣！好多人呀！不過逼下逼下先有氣氛。」 




我有點不以為意：「今年都唔算有咩氣氛…冇咩特別…」 

自小我的感覺就很敏銳，如其說是敏銳，不如說是直覺。 
不論看著哥倫比亞號解體前，還是911之前，我都會感覺異樣。 

而這一晚，很不幸地，我的不安感瘋狂的蕩漾，不時環顧四周，更覺不妥。 
「Audrey，不如早啲走…我覺得有啲怪。」我忍不住說出我的不安。 
「吓，邊有事呀。同埋我地逼係中間，想走都走唔到啦！哇！個公仔好得意呀。」Audrey邊走邊說，毫不把我的說話放在心上。 

只是我還是說多一句：「唔係呀Audrey…你冇發覺..右手邊個出入口，近15分鐘..都只係有出無入咩？」 





終於Audrey停住了腳步，望向右邊的入口。 
不對，是所有人都望向最近自己的入口，所有攤位的叫喊聲突然都寂靜下來。 
腳步停止，一時之間，維園年宵之內，花無語，鳥無聲，萬籟劃上休止符。 

每個出入口，都出現特種部隊，手拎步槍，一字排開… 

現時，維園年宵場中，人數為29,213人。