【網遊】詩聖神話: 第六十六章：愛戀

男人，果然是犯賤加貪新忘舊的生物。 

我摟著慧兒坐在一邊的牆下，好好感受她重現的體溫，眼裡只剩下她一人，渾然忘記了還在地圖外等候著我的雪貓兒。 

不過這算得上貪新忘舊嗎？說起來我與雪晴的相遇好像比慧兒要早，而雨煙也是在差不多時間，強要分新舊的話其實有點難說得準。 

我還是說服不了自己，心裡有點戚戚然的。 


『あなた，其實我諗緊一樣嘢。』慧兒柔聲道。 





『有咩嘢咁值得好慧兒深思熟慮呀？』 

慧兒向我投來一個狐疑的眼神：『欸？啫係你覺得我係個做嘢從此冇考慮過嘅人啦？』 

她用拳頭抵住我的小腹，這根本是恐嚇吧。為什麼女孩的想像力都是那麼豐富？ 

她輕輕在我肚子槌一下，笑道：『傻瓜 ~ 』 

不明不白被說是傻瓜，不過看著慧兒幸福的笑容我實在氣不下。 





『其實我諗緊，不如我哋現實真係約出嚟見面吖！』 

『做乜突然間......』我不清楚話題什麼時候回到那裡去。 

『因為......雖然宜家感覺冇錯都好真實，但係點都同現實有啲分別......所以......』她愈說愈小聲，最後說不下去了。 

『但係......』 

『傻瓜，到宜家仲需要講安全咩？』她不滿道，小嘴高高鼓起，似乎猜到我滿腦子在想什麼，然後靠得我更緊：『最初我決定畀你錫我嗰刻我已經冇任何顧慮啦......』 





『慧兒......』 

『所以我哋約一日出嚟？』她教科書式的傲嬌起來：『唔好亂估呀！我唔係要你約會呀！』 

所以你在傲嬌什麼啦...… 

『唔係呢個問題呀！』我看她會錯意了。 

『咁係咩吖？』她不悅道。 

『定係你仲有第二個女仔呀 ~ 』糟了，又是個充滿殺氣的笑容！ 

我一時無語，慧兒埋頭在我懷中，盡是醋意的說：『果然仲有第二個，唔怪得唔想認我啦，死白痴。』 





『當然唔係！』 

『咁點解唔出聲吖？』她略有怒意：『我係你老婆嚟架！有咩唔可以講喎！』 

『其實我都唔係好知......』前幾天被雨煙突然告白的事我心情還沒平復下來，尤其是雨煙直接說不介意做我和小雪中間的一個，我實在不懂如何處理和她的關係。 

『啫係仲曖昧蘊釀緊？』 

『嘛，差唔多咁......啩......』我只好這樣回應。 

『哦。』慧兒出乎意料冷淡地說。 

『你唔鍾意？』通常女生在這種時機忽然冷淡就代表她們有些什麼。 

『點會呢？』她說道，隨後把身體調轉，讓自己面對著我：『一般情況如果我唔鍾意嘅我早就掙脫你順便摑你兩巴，跟住學啲電視劇咁話你賤人啦，係咪？』 





慧兒說得好像有點道理，但我猜不透她這樣說有什麼用意。 

『咁你啫係唔嬲？』 

『嬲！一定嬲！』她的嘴唇又靠近一點，輕幽的說：『所以我要你錫我先唔嬲囉！』 


這一吻由慧兒當主攻，兩人的嘴唇纏綿著，她的小舌頭不斷向我發動攻勢，而我則默默地配合著。 

我不得不對遊行官方再說一句：幹得漂亮，你們根本是知道有人會在遊戲中幹出這種事來的。 

我享用著慧兒嬌嫩的小唇，吻得她都喘不過氣來，兩人嘴上交纏，發出像是要把對方嘴唇一口吃掉的咀嚼聲，為這一吻激起無數情慾。 

小蕾知道阻止不了我們一對偷情的小愛人，不想當電燈膽的她自顧自的飛到一邊涼快去，而且香艷的濕吻場面害得她耳根發熱，所以都別過頭去不敢注視著這邊。 





『恆…...』慧兒逃出像是有磁性的唇瓣，目光散亂的喚著我。 

我不讓她再離開，緊擁著她把她的淺唇按下來，慧兒被我反攻先是一輪掙扎，身體不住震動，但她愈是掙扎就愈激起我的愛慾，帶她吻得更激烈。 

漸漸愈吻愈深，慾望開始蓋過一切，雙手在慧兒的虛擬身體上肆意遊走，不安份的撫摸女性酮體嬌嫩的每一處，她則以嬌喘回應著我。 

兩人一直吻到喘著大氣才肯停下，滿腦子的慾望早已沖昏了我們的頭腦，眼裡只剩下對方，期待有進一步行動，渾然忘記現實的自己其實各自躺在床上。 

雙唇分開，若果此際慧兒在現實那個我的身邊，吻得這麼激情肯定會看到牽絲之類的場面，雖然現在溫存是有感覺，但這始終是個以異界冒險為主的遊戲，所以沒法媲美現界的種種細節。 

慧兒呵著氣坐起來稍作休息，眼神仍迷離得逃不開我。 


『あなた......我好掛住你......』 





『傻慧兒，點解你會對我咁認真？』 

『......』 

『慧兒？』不會是我說錯什麼吧？ 

怎料她仍然很溫柔，輕拂著我臉頰說道：『講認真嘅話，其實小恆你都唔差得好多......係你......只有你先會咁得閒喺呢場明知未必有下文嘅戀愛畀咗我被愛嘅感覺......當初我只係默默咁同你一齊啫......』 

『係唔係？』她俯身傾前。 

『因為我只係一個沈溺二次元的宅男......』那時的我根本搞不清虛擬和現實，甚至現在也未必搞得透。 

( 好吧，這裡不得不先說，作者自己也是，呵呵。 ) 

『咁我都只係一個二次元宅女！』慧兒斬釘截鐵地說。 

『啥？』 

『乜老公你唔覺得呢個時候仲肯認真玩網遊嘅女仔好難得咩？』她發現好像有點自誇，改口說：『我咁講唔係話我自己，之不過小恆你唔發現我將一片真心放曬喺遊戲同你身上咩？』 

這樣說......慧兒三年前就，喜歡上了？ 

『即係話，我哋其實係同一類人，都係對待明明連樣都未見過嘅人咁好嘅傻瓜，』 她淺唇在我臉上吻了一口：『所以老公你唔使拘謹，好似以前咁一直愛我啦。』 

『不過呢份愛可能會分做三份至得啦。』我到底在說什麼啦！ 

『三份？』她不解地問，突然恍然大悟：『啊！我、小雪、同埋嗰個曖昧緊嘅女仔！』 

『唔好講哩個問題啦！』 

『はい、かしこまりました。』她突然裝起女僕來。 

『咁不如我哋傾吓邊日約出嚟？』 

『不如嚟緊個星期日好唔好？』慧兒說道。 

『星期日呀......我可以嘅，反正我冇嘢做。』 

『既然係第一次約會，不如去特別啲嘅地方？』她補充道：『唔好再去咩旺角之類啦，而且我唔習慣去啲四圍都係所謂『潮人』嘅地方，周圍都係人好唔舒服。』 

聽得這句就知道慧兒肯定也是個宅女了。 

『咁我嘅好慧兒你想去邊吖？』 

她二話不說：『屋企附近間咖啡店！』 

連約會也要在家附近，慧兒你到底是要多宅呀...… 

『咖啡店？』 

她驚呼一聲：『我只係覺得間咖啡店好有格調，好啱做我哋見面嘅地方......』 

『冇問題，慧兒鍾意就好。』我不過是想著約會去女生家附近有點像引狼入室的前奏罷了。 

『あ、あ、ありがとう。』 

『又冇咩關係嘅......』她這麼有禮貌害我有些不好意思。 

『那麼，今個星期日，十一點鐘喺沙田火車站等？』居然是被女生主動提出約會地點啊，慧兒真是個有主見的好女孩。 

『慧兒你住沙田？』我問道，她言談間吐露了自己住那區。 

『八嘎 ！』她惱羞成怒，拳頭亂揮。 

『不過沙田咁大，我都唔知你住邊啦。』 

『因為......畀老公知道我住咩地方......恥ずかしいよ......』 

『老實講，如果可以去慧兒屋企嘅......都唔錯嘅......』當然這是我自說自話，慧兒是聽不到的。 

『恆，如果你想上我屋企嘅，都可以架。』她靦腆的說。哇靠！這女孩跟我是有心靈感應嗎？ 

『唔使啦！』 

『但係如果你想上我屋企嘅我會......好開心。』哇，咁係咪叫引狼入室呀，軍曹叔叔？不是我自誇，好彩慧兒遇到的是我，不然對男性完全不設防的她要是遇著咸濕大叔我看她鐵定貞操不保了。 

呸呸呸，我還想著慧兒被大叔侵犯的樣子是幹麼！ 

『到時先算啦。』我模稜兩可的胡說八道，如此美女邀請我上她家一倘，理智快撐不住了。 

『嗯！星期日嘅約會，我好期待架！』慧兒的笑容甜膩了。  

-----------------------------------------------------------

休息時候我與慧兒趁機談情，冷落了一邊的小蕾，待準備好後我喚回小蕾重新上路。 


『主人，可唔可以等多陣？』小蕾說道。 

我心下奇怪，但還是跟著做。難道是我剛才顧著和慧兒一起冷落她生氣了嗎？ 

『主人係咪唔要小蕾啦？』小蕾淚眼汪汪的說。 

『我幾時有講過唔要你！』她怎麼變奇怪了？ 

『頭先主人同偷腥貓一齊嘅時候，小蕾聽到你哋講咩架。』淚珠在她眼眶翻湧。 

『你聽到我講咗啲咩？』我說道，手指拍拍她的頭：『小蕾咁可愛，我點捨得唔要你！』 

『主人同偷腥貓講咗，主人嘅愛要分成三份......』她說得很委屈。 

『小蕾？』 

她終於忍不住，淚水缺堤而出：『主人講嘅三份，係雪姐姐，雨姐姐同偷腥貓呀！咁小蕾嗰份呢？主人係咪唔鍾意我？』 

小蕾竟然這麼敏感，對我簡單的一句起反應。 

對了，我就著眼於現界的女孩們，所以只記起雪晴她們，忘記了這個世界的小蕾。 

『主人！』她哭得梨花帶雨：『係咪因為小蕾同雪姐姐唔同，所以主人唔可以鍾意我吖！』 

我徹底地無解了。 

對待傷心的女孩，一直以來戀愛avg教我，最好是坦白從寬，抗拒從嚴。 

『小蕾唔需要同小雪比較架。』我安慰她說。 

『主人？』 

『冇錯，你的確同小雪唔同，我唔可以喺我原本嘅世界同你見面，但係正因為呢點所以你先唔使同小雪佢哋睇齊。』 

『因為......我同雪姐姐仲有偷腥貓唔一樣？』 

『總之，你唔好介意啦，我冇諗過唔要小蕾架！』我臉上燒得滾燙，果然嘴炮不是我的強項。 

『嗯......係喎！』她高興起來：『小蕾係精靈嚟，所以主人要畀我嘅係精靈嘅愛，而唔係人類嘅愛！』 

雖然她好像想錯了方向，但沒差了，她高興就好。 

『主人以後唔好再嚇小蕾啦！』 

『係啦，得啦。』 

『主人竟然敢敷衍我！』她憤怒地張牙舞爪。