【網遊】詩聖神話: 第六十二章：鎖匙

『小恆，』慧兒輕輕扯著我：『小蕾真係冇事吖嘛？』 

慧兒是口硬心軟的好女孩，她見小蕾還怒氣沖沖的坐在一角便關心她問道。 

『唔使理佢架，小蕾好快冇事架。』我淡定地說，難不成她真的生氣了吧？ 

慧兒說：『但係頭先佢唔係話你唔守約定咩？女仔好緊張同鍾意嘅人約定架。』 

『真係？』我手上不安分地揉揉慧兒的臉蛋，弄得她嬌笑連連：『咁慧兒都係？』 





她想擺脫我的手，但笑得有氣無力：『唔好玩我住先啦，我講真架！快啲氹返人啦。』 

我望向小蕾那邊，只見他仍然在踢腿，扁起小嘴的發我脾氣。 

看來她真的生氣咧...… 

我扶起慧兒，然後說：『嗯，我過去睇下佢啦。』 

慧兒笑道：『乖啦。』 






我攝手攝腳地爬到小蕾身邊坐下，她俏眉一動，但得知來者是我後又回復原狀，看來是打算無視我了。 

『小蕾，欸......一齊行啦好嘛？』我硬著頭皮說，如果我可以看見自己的樣子我想應該是面容扭曲。 

小蕾冷哼一聲無視了我。 

要氹女仔嘛......談何容易啊...… 

『對唔住呀，唔好嬲啦。』 





她這次頭也沒動一下。 

難道她真的是氣了我沒守約定嗎？ 

『係我冇守約，真係唔好嬲啦。』我手指作勢摸她頭。 

不過小蕾笨拙地移開身體，不讓我摸頭。 

『唔好摸我，我以後都唔要主人！』她嬌叱。 

『所以，我以後都要無視你，一世都唔同主人講嘢！』她再哼一聲就別過頭去。 

我也拿她沒辦法，不過她肯開口說話算是踏出一大步。 





老實說我是個不善詞令的人，氹女孩這種費心機的功夫不是我的專長，而且小蕾又不是天然到口裡說無視然後老老實實給我回應的那種個性，無論我說什麼也沒用。 

至少我知道一點，我不能沒有她吧。 

『小蕾呀，我......我唔想冇咗你......呀。』這算是告白嗎？ 

她毫不領情：『哼，宜家主人用甜言蜜語攻勢係冇用架！』 

『我知......你就當我話......鍾意你囉。』我想找洞鑽，拜託。 

她動搖了一下，但仍然嘴硬：『主人、就算、同我表白，小蕾都唔會心軟架！』 

『白痴！衰人！』她飛到我面前拼命打著臉，弄得一陣酥麻。 

『小蕾......』 





她突然坐落我肩膀，泣不成聲打斷我的說話：『我唔鍾意你呀！騙子！大話精！689！』 

『689？』 

『因為689係大話精囉，聽雪姐姐講嘅。』她哭著解釋。 

雪晴又教了小蕾什麼不得了的知識啊。 

『總之我最憎呃我嘅主人！玩弄雪姐姐嘅感情！』為什麼到頭來小蕾也要提雪晴？ 

『咁你自己呢？』 

『小蕾我......小蕾我......』她接不下去，變相哭得更厲害：『唔想要......唔想要......』 





我把手指湊上去，她便緊張地抓住，不想讓我逃離：『小蕾唔想要個呃我嘅主人！』 

『因為......我真係好鍾意主人。』她有氣無力地抽泣。 

『我唔會再呃你，信我。』我輕觸她如我手指般粗幼的小手。 

『信你至奇呀！主人誠信已經破產啦。』 

『咁你要點先原諒我呀？』 

她清清嗓子，說：『小蕾唔會就咁原諒主人，不過如果主人有係知錯嘅，可唔可以答小蕾一個問題？』 

『問啦。』 

『頭先主人話鍾意小蕾，係真心話定只係想小蕾唔好煩住曬而隨口講？』她認真地說。 





如果有save point就好了...… 

『真心話，因為我唔想冇咗你。』 

『真係真心話？』她興奮地說。 

『嗯。』總覺得有小蕾在身邊有種安心的感覺。 

『睇在主人都鍾意小蕾嘅份上，我就格外開恩原諒主人一次啦。』她說。 

這是稱呼人做主人應有的態度嗎？ 

『不過有條件架，主人要應承我三樣嘢。』 

『如果你會原諒我嘅，只要唔好太過火應該冇問題。』我笑道。 

『發夢啦！主人冇資格同小蕾傾條件呀！應承到就要做到。』她俏顏稍怒。 

『好吧，我唔上訴就係啦。』 

『聽住啦，要小蕾原諒主人，第一件事就要主人買好多好多甜食畀我！』 

原來小蕾是甜食派嗎？ 

『咁簡單啦。』 

她搖搖食指：『我要買好多好多甜食，直至食窮主人為止，重要買埋雪姐姐、雨姐姐、傾城姐、傾國姐，同埋偷腥貓嗰份架！』 

『邊個又叫人偷腥貓！』慧兒的聽覺忽然敏銳。 

『睇嚟我冇反對餘地啦，成交。』我點頭道。 

『第二，主人唔可以偏心某一個人，一定要畀到我哋全部人幸福！』 

『全部人？』 

『連偷腥貓在內，我哋六個人！』她說。 

『我叫葉月！你個平胸精靈唔好以為我聽唔到你講咩呀！』慧兒在另一邊大喝。 

『成交。』我笑著說，我不想看到任何一個女孩在我面前哭泣。 

『聽住先啦，』小蕾說：『仲有第三件事，亦係最重要嘅事，如果主人做唔到嘅小蕾就一定唔會原諒你！』 

我點頭稱是，讓她繼續說下去：『小蕾想，主人幫我恢復到哩副身體之前個樣。』 

『點解要執著於哩件事呀？』 

『因為只有恢復原本嘅身體，小蕾先至可以同主人擁抱，感受到主人的存在，而且......而且仲可以......ki、ki、kiss…...』她臉蛋燒得發燙，語無輪次。 

『咪住先！你喺邊度學啲咁嘅嘢返嚟架？』 

『雪、雪姐姐同我講嗰囉。』她說。 

幹，雪晴你又教她這些無謂的知識！ 

『主人係咪唔鍾意同小蕾做哩啲嘢呀？』她把頭壓得低低的。 

怎麼說呢？我不是沒有想過，反正我的初吻也是被白婭搶走了，但那次是被強吻，如果對象是小蕾的話我卻不敢投入太多。 

『主人如果唔應承嘅話......』她哽咽道。 

我急道：『得啦，我應承就係啦，但我唔保證一定有方法架。』 

『一定有架！世界咁大一定有方法架！』  

-----------------------------------------------------

我花了不少口舌安慰小蕾，她回復元氣後伏在我頭頂，慧兒見狀便趕上來，不過小蕾是個好女孩，她很快就適應了慧兒的出現，還嚷著慧兒去玩。 


慧兒說：『估唔到冇見你幾年原來開咗後宮，仲要一拖六喎，果然係我嘅好老公 ~ 』 

『我幾時一拖六呀！』 

『唔使唔認啦，小蕾同我講曬啦，使唔使我數畀你聽？』她豎起手指。 

『小．蕾！』我露出拳頭。 

『嘻嘻 ~ 』小蕾嘻皮笑臉躲在慧兒身後。 

『睇我唔打死你個死妹釘！』我雙手一抓，可是小蕾的速度實在太快，我撲了個空。 

『唉，唔玩啦，你對去下一層有冇咩頭緒呀？』我說。 

小蕾想了想：『嗯，鎖匙唔係應該有人揸住架咩？』 

對了，就是這一點！我真是個白痴，怎麼沒想到BOSS掉落的物品會是線索？ 

我以笑遮醜：『哈哈，我記得個BOSS好似跌咗兩件嘢喎......』 

慧兒無語：『你唔會同我講你一直都冇諗過嘛？』 

『係。』 

『你真係蠢到冇得救呀。』慧兒和小蕾突然很有默契地說。 

我懶理她們損我，將背包中的兩件物事一一實體化出來，然後屬性貼在隊伍頻道，小蕾雖然不是隊伍成員之一，但她名義上是我的精靈，所以能夠與我共享介面視覺。 

拿出來的兩件東西是一把黑得發亮的西洋長槍和一塊紫色透著些微光芒的石頭，我決定循例先看武器。 


黑月槍   ( 長槍 ) 

需求等級：40 

攻擊力：83 – 87 

力量：10

體質：55 

簡介：黑月騎士黑刃的長槍，曾是黑刃擔任落葉城守將時的武器，銀白的槍尖曾閃著震懾人心的光芒，破敵無數，但黑刃墮落後亦隨之染黑。 


是把紫色長槍，體質專精，基本上是騎士裝備沒跑了，那應該回頭丟地攤賣了換錢還是看看星仔他們有哪一個是玩騎士的呢？ 

嘛，總不能不管兄弟，說到底我們也是在學校玩得最瘋的一群，不能只顧著工作室的女孩吧。

雖說這裝備只有紫色品質，但最特別的莫過於他是黑刃的長槍，印象中BOSS的首推(first down)是有額外機率掉落和那隻BOSS有關的物品，所以才會出現這把長槍。 

不過大部分出現這種情況的時候掉落的物品都是比較稀有而強力的，像這樣一把紫色無特技的長槍實屬罕見，可以說黑刃本身就不是什麼好貨色，要不然我一招狂刀訣應該不會直接把他打殘。 

還好這是首推，如果往後有人發現這地圖再殺他一遍可能藍裝已經是封頂了。 


『嗯.......』慧兒仔細打量著長槍：『我唔用槍嘅，一於賣咗佢啦。』 

『咁可以畀我嗎？我可能有用。』 

『你鍾意啦，其實我又唔等錢使，只係金幣冇人會嫌多啫。』她攤手道。 

我收好長槍，手中換上另一件東西。 


新月石   ( 特殊物品 ) 

簡介：由月神殿一層看守者攜帶的魔石，是開啟通往二層的鎖匙，在一層大廳後的法陣捏碎此魔石能為法陣注入魔力，開啟通往二層的通道。 


幹，真的是在BOSS身上。 我們三人一頭黑線的走到大廳凸出的地方，走近才發現地上刻著淺淺的法陣，我照著簡介說捏碎石頭，雖然是石頭，但意外的脆弱，所以我沒花多少氣力就捏碎了。 

碎裂的石頭化作一道紫光填滿法陣，最後傳送魔法啟動，我們被傳送到二層的半月殿。